Trahadornan di Hospital cla pa bai den accion pasobra negociacion di CAO a tranka
Mediador a evita esaki dialuna mainta
ORANJESTAD(AAN):– E empleadonan di hospital ta cla pa bai den accion. Danki na intermediacion rapido di mediador di gobierno e welga di dialuna mainta a ser evita.
Pa 10or di mainta e sindicato ABV mester bai topa cu mediador. Aki lo trece nan punto dilanti. Indexering ta e problema e momentonan aki di e diferencia di opinion entre gerencia di hospital y tambe e sindicato di e trahadornan. E sindicato ta pidiendo 2% di indexering y hospital kier duna uno.
Hospital cu a corta vet den tur sentido a logra un ganashi di 4 miyon florin despues di hopi aña di tabata den cora.
E vocero di hospital a splica cu hospital no ta un negoshi pero awor nan por cuminsa hala rosea atrobe.
E sindicato ta kere cu si postkantoor, empleadonan publico cu a welga a logra indexering den nan lucha, nifica cu nan tambe por haya esaki. E 1% di indexering lo costa hospital 435 mil florin pa aña. Dialuna nos lo trece mas informacion.
