Home Deporte Un biaha mas federacion di Taekwondo ta sigi saca cara pa Aruba

Un biaha mas federacion di Taekwondo ta sigi saca cara pa Aruba

4
0
SHARE
- Advertisement -

karate1E biaha aki na e Campeonato Venezuela Open
ORANJESTAD(AAN)—Nos Himno Nacional “Aruba Dushi Tera” a resona durante e Campeonato Venezuela Open, cu a tuma lugar na Caracas, Venezuela durante e periodo di 30 oktober – 1 november. Na e campeonato aki un total di 1.200 atleta a participa for di diferente ciudad di Venezuela. A haci uso di 6 ring durante 3 dia di campeonato cu un exigencia cu cada atleta mester tin 3 pelea pa por subi podium y ricibi un medaya. Pa Aruba e atletanan cu a participa ta John Jairo Maduro, Nigel Ras, Leonard Janga, Estrella Camara y Monica Pimentel. Como entrenador/coach a viaja Carlos Hernandez y Kwan Yang Nim Chaco Cornelio a fungi como referee internacional.

E resultado pa e delegacion di Aruba ta como lo siguiente:
John Jairo den categoria – 55 kg/Junioren a logra medaya di oro.
Nigel Ras den categoria – 63 kg/junioren tambe a logra medaya di oro.

Estrella Camara den categoria – 49 kg/Junioren a gana su promer combate y a keda na di 8° puesto
Monica Pimentel den categoria – 53 kg/adulto tambe a logra medaya di oro
Leonard Janga den categoria – 58 kg/adulto no a obtene un medaya. Su promer combate tabata contra e campeon nacional di Venezuela.

John Jairo Maduro, Nigel Ras y Estrella Camara ta e 3 atletanan cu ta entrenando pa representa Aruba na e Campeonato PanAmericano Junioren cu lo tuma lugar dianan 18-22 di November proximo na San Salvador.

Ademas di e medayanan logra, Monica Pimentel a resulta “Best Female Fighter International”, mientras Nigel Ras tambe a ricibi e otro trofeo di “Best Male Fighter International”.

Presidente di ARTBO, Kwan Yang Nim a resulta e “Best International Referee”.
ARTBO ta felicita henter e delegacion di Aruba, cu a haci un bunita resultado.

- Advertisement -

DUNA COMENTARIO

Please enter your comment!
Please enter your name here