Un di e metanan di Minister Di Infrastructura ta pa baha gastonan di huur cu 5 Miyon Florin pa 2010
ORANJESTAD(AAN):–Durante conferencia di prensa di conseho di Minister, Benny Sevinger 
Minister di Infrastructura y asuntonan di extranheria a papia riba e huurmento di edificio cu gobierno anterior tabata hasi, compara cu e plannan cu gobierno actual tin.
Sevinger a splica cu e decision a wordo tuma den conseho di Minister cu gobierno ta bay baha gastonan.
Kitando BBO ta trece un peso grandi pa entrada di gobierno y consecuentemente tur Minister mester mira den nan departamentonan, con ta bay baha gasto.
Sevinger a splica cu bao di su ministerio ta cay e huur di edificio cu gobierno tabata paga.
E huur aki a subi di 8 miyon pa mas di 22 miyon pa aña.
Segun e Minister e tin e documentonan pa confirma esaki.
E huur casi a triplifica, bao di maneho di gobierno anterior.
Gobierno anterior su intencion tabata claramente pa bandona e edificionan, pa despues huur otro.
Sevinger a splica cu e hecho cu bestuurskantoor a wordo drecha, lo yuda baha gasto.
Si tur minister sinta den bestuurskantoor y e diferente otro edificionan keda bashi, asina facilmente gobierno lo por baha gasto.
E meta ta pa corta e gastonan di huurmento di edificio cu por lo menos 5 miyon florin, pa presupuesto di 2010.
DR. JORGE LOPEZ DORADO
e actuación di e Minister Benny Sevinger, ta ejemplar y ta demostrá e balor di e bien común cu mester prevalece rriba e interés individual.
Un democracia di verdad ta cuminsando.
Anthony
Minister Sevinger ta riba bon caminda. Mester evalua bon tur loke ta gastonan innecesario; huur di edificionan, huur di auto pa usa como dienstwagen, nombracion pa loco, dienstreizen, privilegia famia etc. Ban spera cu e periodo di un gobierno Usurpador di tur loke ta di Pueblo por keda definitivamente tras di lomba.