Home Hudicial Un total di 22 aña y 9 luna di castigo duna den...

Un total di 22 aña y 9 luna di castigo duna den caso Quisqueya

7
0
SHARE
- Advertisement -

JudicialORANJESTAD(AAN): Diamars na corte di husticia, huez a duna su veredicto den e caso grandi di droga yama ‘Quisqueya’. E caso aki a worde yama asina, mirando cu tabata 10 persona Dominicano a worde acusa di ta meti den traficacion di droga. E grupo aki a worde considera un organizacion criminal cu tabata prepara droga den forma entre otro di bolita, pa esaki worde transporta pa Hulanda. Algun di e personanan tabata encarga pa cumpra e droga, otronan tabata prepara esaki y otronan tabata busca mula pa hiba e droga pa Hulanda.
Despues di varios combersacion di tap graba pa polis y hopi observacion, a logra detene e 10 personanan aki. E caso a worde trata riba diferente dia, mirando e grandura di e caso.

Huez na prome instancia a pone Diabierna dia 20 di November como e dia pa duna su veredicto, pero e no a keda cla, pues Diamars porfin el a keda cla y a duna su sentencia.

Fiscal a exigi pa Octavia D.S un castigo di 300 dia, di cual 214 ta condicional y huez Diamars a bay di acuerdo cu esaki. Fiscal a exigi pa Manaury H.K un castigo di 278 dia di cual 100 dia ta condicional y huez a bay di acuerdo tambe cu esaki.

Pa loke ta Mario M.H, fiscal a exigi un castigo di 6 aña, pero mirando cu huez a haya menos acusacion comproba, el a dune un castigo di 5 aña.

Eduardo J.N.A despues di a tende fiscal exigi 5 aña di castigo contra dje, Diamars a tende cu huez a dune solamente 3 aña. Fiscal a exigi un castigo di 3 aña contra Juan Carlos A.M y huez a bay di acuerdo cu esaki.

Jose A.D.L.S.S a haya 3 aña di castigo door cu huez a haye culpable di 3 hecho. Esaki despues cu fiscal a exigi un castigo di 4 aña contra dje algun siman pasa.

Fiscal a exigi 15 luna di castigo contra Luis d.J.P.F y huez a bay di acuerdo cu e cantidad di castigo aki.

Marleni N.S a scucha fiscal exigi 2 aña di castigo contra dje algun siman pasa y Huez Diamars a baha esaki un tiki te na 18 luna.

Yveth L.S a haya 3 aña di huez, cu ta mescos cu fiscal a exigi.Hector J.B.F tambe a haya 3 aña, cu ta igual na loke fiscal a exigi contra dje.

- Advertisement -

DUNA COMENTARIO

Please enter your comment!
Please enter your name here