Home General Weso den hamburger y musca den batata

Weso den hamburger y musca den batata

1
0
SHARE
- Advertisement -

ORANJESTAD (AAN): Pa bo haya un weso den bo hamburger, y un rato despues haya un musca den bo batata… ta nada agradable. Lo peor ta cu esnan trahando na e restaurant despues no kier ni mustra compasion. Diasabra anochi laat, dos persona hoben local a bay coma na un Fastfood Restaurant na Playa, y a bay come den e comedor. Diripiente uno di nan a haya un weso chikito den e hamburger, y el a bay avisa e trahador cu a bende e cuminda, alerta nan di loke a worde haya den e cuminda cu nan ta bende cliente.
Despues ora cu e otro persona tabata casi finaliza su orden di batata, el a bin mira un musca morto den dje. E ora el a bay reclama e trahador.

Pa nan sorpresa, e señora trahando eynan a bise, cu e “musca ta netchi poni”, insinuando indirectamente cu ta e cliente a pone e musca den e batata, djis pa e reclama nan algo!
Con bo por haci mofa di algo asina serio?

Segun e clientenan, nan ta kere cu e empleadonan of e manager mester a pidi disculpa. Pa colmo, e señora cu tabata traha eynan a bisa na spaño: “Primero el hueso, y ahorra la mosca”.
E tabata comosifuera ta wega e clientenan tabata haci.

DIARIO a recomenda e clientenan hoben aki, pa nan acudi na Servicio di Salubridad Publico pa haci un denuncia, y despues pa acudi na Manager di e Restaurant ey tambe durante dia, pa reclama riba e insinuacionnan falso aki.

E cliente a bisa, cu nan no kier daña nomber di ningun Fastfood na Aruba, pero djis kier pa hendenan ta conciente con ta trata un cliente, y cu ora bo ta fout, bo por sikiera pidi sorry. No asumi cu djis pasobra ta hoben di 18 aña, cu nan lo ta haciendo wega cu algo serio asina.
E ta adverti pa clientenan, sigui check bon nan cuminda ora di ta come algo.

- Advertisement -

DUNA COMENTARIO

Please enter your comment!
Please enter your name here