Archivo di December, 2009

Entrega di premionan di ABBA Awards Night 2009

Publication: Thursday, 31 December 2009. Categoria: Deporte

d1ORANJESTAD (AAN)— Diario Deportivo tabata presente den e ceremonia di entrega di premionan di ABBA Awards 2009, cual a tuma lugar recientemente na Club Primavera.

  Como Mihor Catcher di 2009, e premio a bai pa e hoben Jair Thompson di e team Red Machine, sigur un reconocemento bon mereci.

  Siguientemente como Mihor Primera Base di 2009, e premio a bai pa e hoben Enrique Tromp kende tambe a ricibi e premio como Champion Home Runner di 2009.

Shinkyokushin Karate Dojo Boye su ultimo training pa 2009 tabata un cu exito

Publication: Thursday, 31 December 2009. Categoria: Deporte

Karate les 017ORANJESTAD (AAN)— Dia 17 di December Dojo Boye tabata tin nan ultimo training pa aña 2009, tur mucha hasi nan best pa bin aunke tabata vakantie caba pa yega dojo y cumpli cu nan training.

  Dojo Boye a regala tur mucho un regalito di Pasco pa asina tur hende keda contento, tambe a rifa un cellular cu a keda den man di Laura Martinez.

 

Andin Bikker Ta Contento Cu Manera Con BBO Ta Worde Corta

Publication: Thursday, 31 December 2009. Categoria: General

Pasobra asina por wak kico e efectonan ta
ORANJESTAD(AAN): Diaranzon lider di fraccion di PDR parlamentario Andin Bikker a bisa cu su partido for di pafo di Parlamento a participa den demostracionnan contra aumento di invoerrechten y accijnzen na 2006.
Na 2006 tambe PDR a participa na demostracionnan contra introduccion di BBO.
El a sigui bisa cu e tema di BBO tabata un tema central den e eleccion cu a caba di pasa.

Dos Miembro Di Hunta Di Comisario Di Azv A Baha Na Awa Cu Mas Di 100 Mil Florin

Publication: Thursday, 31 December 2009. Categoria: General

Te unda sinberguenzura di hende por yega…

Shon No Maduro y Peter Smith tabata gana miles sin traha…

ORANJESTAD(AAN): Na Aruba tin biaha bo ta mira cierto cos pasa y bo ta puntra bo mes con sinberguenza un hende por ta. Na AZV tabata tin un maneho hopi desastroso.

   Ora cu algo asina pasa bo por culpa tur esnan cu a hiba e maneho. E directornan y tambe esnan den e hunta di comisario ta culpable di e maneho malo den AZV. Un bin decision di e gobierno nobo ta pa manda e dos directornan nombra politicamente cas. Hunto cu nan naturalmente mester manda tambe e board completo di AZV. Tin cu sa con mucha manda nan tabata ta di e gobierno anterior y nan mes a entrega retiro. Mientrastanto tin dos cu no kier bay.

Gobierno Anterior A Crea Un Situacion Financiero Hopi Deplorabel

Publication: Thursday, 31 December 2009. Categoria: General

Segun Juan David Yrausquin

Juan David Yrausquin Parlamento (1)ORANJESTAD(AAN): Juan David Yrausquin di e fraccion di AVP tambe a hiba palabra durante e reunion publico den parlamento.

   E parlamentario ta haya hopi straño di con awe oposicion ta contra pa elimina BBO.

Ainda despues di eleccion den conseho di ministronan gabinete Oduber a dicidi cu nan mes lo bay elimina BBO. 

 

Den Cuerpo Policial Tin Algun Elemento Cu Ta Un Berguenza Nacional

Publication: Thursday, 31 December 2009. Categoria: General,Judicial

Sin generaliza, Abogado mr. Duijneveld ta haya cu:

ORANJESTAD (AAN) — No obstante su criticanan riba e sistema di Ministerio Publico na Aruba, mr. Duijnevel no a generaliza y a expresa su opinion riba PG, ken e ta considera un persona capacita.
Tampoco e ta mira henter Cuerpo Policial como corupto, pero si tin cierto elementonan cu e ta considera un berguenza nacional.

“ Nos mester tin tur confianza den nos sistema hudicial pa nos por drumi trankil. Personalmente, mi ta kere cu den e Procurador General actual nos tin un hende cu tin capacidad, pero tambe e tin hopi trabao pa haci den su mesun cas. Nos tin polis hopi bon y di calidad halto, algun di nan bon amigo di mi. Pero, lamentablemente, tambe nos tin elementonan cu ta un berguenza pa nos pais Aruba, trahando den husticia”.

Drs. Xiomara Maduro Actuando Hopi Ridiculo

Publication: Thursday, 31 December 2009. Categoria: General

Esaki ta e motibo pakico e nivel di Staten no ta keda eleva!

ORANJESTAD(AAN): E network social Facebook a bira un medio cu hopi tin acceso na dje, casi por bisa cu pa minuut e tin un atencion. Ta bon pa cierto hendenan realisa cu e por ta un bon medio pa yuda den educa y concientisa un pueblo, pero no pa haci redo of skirbi cosnan cu no ta corecto ariba dje.

   Ta tristo pa mira con un persona manera drs. Xiomara Maduro, protehida di e lider di MEP, sr. Nel Oduber, hasta Nel a cede su asiento pe, ta sinta skirbi disparate ariba Facebook na lugar di haci su trabao den Staten. Xiomara por a usa su tempo mihor door di sinta scucha con otro parlamentarionan cu experiencia grandi, kisas di su propio partido por siñe con pa hiba politica.

“Pa Mustra Na Placa Chikito Con Putri Nos Sistema Hudicial Ta!”

Publication: Thursday, 31 December 2009. Categoria: General,Judicial

Abogado Duijneveld skirbiendo buki:

Edwin Duijneveld ConferenciaORANJESTAD (AAN) – Un declaracion bastante fuerte ta loke Abogado mr. Edwin Duijneveld a duna ayera, den conferencia di prensa, dirigiendo su mes na e sistema di Ministerio Publico.

“ Amigonan cu ta traha den Ministerio Publico mes, ta bisa mi: ‘Edwin, mehor bo keda keto pasobra esnan encarga cu bo caso, lo haci todo por todo pa ‘hodebo’. Algun colega Abogado a bisa mi pa mehor mi ta cauteloso pasobra tin algun elemento den e Cuerpo, cu ta capaz di cualkier cos. Akinan sinta, mi ta sigura un y tur, cu hamas lo mi cera pa inhusticia, cera mi boca pa manipulacion, y cera mi boca pa corupcion! Pa e motibo ey tambe, awe, mi ta anuncia cu mi ta bezig ta skirbi un buki, na unda lo mi mustra na placa chikito, con putri nos sistema hudicial ta, con manipulacion ta tuma lugar, con hende ta abusa di nan poder, nan posicion, den nos sistema hudicial”, mr. Duijnevel a expresa.

Introduci BBO Na Un Manera Dictatorial Si Ta Un “Bulldoze!”

Publication: Thursday, 31 December 2009. Categoria: General

Parlamentario Lainda Westerhof: 

Cu reduccion di 1.5% ya caba pueblo lo haya un alivio!

ORANJESTAD (AAN) – Den conferencia di prensa di fraccion di AVP, Parlamentario Laida Westerhof a elabora tambe tocante e ley pa reduci te elimina BBO.

El a señala cu e ultimo dianan ta worde bisa hopi, den cierto medio di prensa, cu AVP ta “bulldoze” cu eliminacion di BBO. “Pues, un palabra nobo cu nos a haya”, e dama a expresa.

Rolex Di $4.000 Horta Na Kudawecha

Publication: Thursday, 31 December 2009. Categoria: General,Policial

ORANJESTAD (AAN): Faltado algun dia pa cambio di aña ainda ladron ta sigui horta, nan ta ni respeta Pasco, nan no ta preocupa cabez  ni cerebro ya ta asina troci cu e unico cost a aparece ta e letternan H.O.R.T.A.

    Entre otro na Kudawecha  ladron a kibra drenta horta dos horologe un ta un holoshi Citizen balor di 300 Florin y tambe un Rolex su balor ta  4.000 Dollar.

Abogado Duijneveld Ta Mantene Su Inocencia!

Publication: Thursday, 31 December 2009. Categoria: General,Judicial

Tocante caso pendiente riba su persona:

Cu e seguridad cu lo sali liber di tur acusacion

Edwin Duijneveld Conferencia (2)ORANJESTAD (AAN) – Abogado mr. Edwin Duijneveld a yama un conferencia ayera mainta, pa alerta riba un especulacion eroneo cu tin riba caya, cu ayera el a haya un yamada di Ministerio Publico pa presenta na Corte, 11 di Maart di 2010.

“Boso tur sa cu algun siman despues di e welga di trahadornan publico, mi a worde deteni pa un par di dia, supuestamente riba sospecho cu mi a yuda un cliente di nos oficina, señor Luis Mansur, cu ta den bancarota desde 2002 y sconde placa pa e curator y asina perhudica esnan cu e ta debe.

Cena Di Pasco Pa Un Grupo Special

Publication: Thursday, 31 December 2009. Categoria: General,Social y Sorteo

oc_besloten_dinner_1ORANJESTAD (AAN): Nan a reuni pa nan Cena di Pasco, special y unico.

   Aki por mira e grupo di OC Besloten team, kendenan a reuni dia na Aquarius Restaurant pa nan Cena di Pasco.

 

Maltrato Di Un Pober Mucha Di 5 Aña

Publication: Thursday, 31 December 2009. Categoria: General,Policial

ORANJESTAD (AAN): Diamars anochi a drenta informacion na polis cu na un cas situa na Tanki Leendert a surgi problema familiar.

   Patruya di Noord a acudi na e adres y polis papia cu e señora M.R.T. naci na Peru di 50 aña, e ta declara cu su nieta di 5 aña a worde maltrata pa e boyfriend di su yiu muher inicialnan J.S.R. di 22 aña cu ta e homber A.W.

Accion Riba Un Fundacion Di Gobierno Pa Mal Maneho

Publication: Thursday, 31 December 2009. Categoria: General

Dos funcionario halto lo bay cas den 2010….

ORANJESTAD(AAN): Aña 2010 lo bay habri y accion di gobierno ta bay cuminsa. Dos funcionario tabata sperando e momento y awor parce e momento a yega.

   E maneho hiba den un fundacion di gobierno ta den duda for di hopi tempo. Awor cu gobierno a cambia nan tin confirmacion di e mal maneho aki. DIARIO tin informacion cu e prome dialuna di aña 2010 loke hopi tabata sperando lo bay sosode. Tur dos funcionario encarga cu e maneho di e fundacion ta bay cas. Lo bay investiga den tur profundidad e maneho interno di e fundacion.

Mescos cu 2009, 2010 lo ta un aña yena di reto pero cu lo worde asumi cu positivismo

Publication: Thursday, 31 December 2009. Categoria: General

Minister Otmar Oduber

ORANEJSTAD (AAN): Aña 2009 tabata uno yen di reto, yen di situacion dificil no solamente pa nos pida baranca, pero pa mundo henter, pero tambe e tabata un aña di cambio, un aña di un comienzo nobo yena di speranza pa un mihor futuro pa cada un di nos.

   E aña aki pueblo di Aruba a duna nos partido AVP a confianza pa goberna cu mayoria absoluto nos isla pa e siguiente 4 añanan. Nos a presenta un plan Aruba Ariba cu a worde traha a base di hopi estudio y consulta no solamente cu expertonan pero tambe cu pueblo en general, caminda a duna tur e atencion na e aspectonan cu nos sociedad kier pa nan worde atendi. 29 candidato riba e lista berde, hunto cu hopi di boso a traha duro, a papia, a scucha y a demostra e vision, amor y deseo pa un mihor Aruba worde crea. Asina 25 di september, pueblo di Aruba a duna nos e sosten pa logra e vision aki.