Andin Bikker Ta Contento Cu Manera Con BBO Ta Worde Corta
Pasobra asina por wak kico e efectonan ta
ORANJESTAD(AAN): Diaranzon lider di fraccion di PDR parlamentario Andin Bikker a bisa cu su partido for di pafo di Parlamento a participa den demostracionnan contra aumento di invoerrechten y accijnzen na 2006.
Na 2006 tambe PDR a participa na demostracionnan contra introduccion di BBO.
El a sigui bisa cu e tema di BBO tabata un tema central den e eleccion cu a caba di pasa.
Bo por bisa cu e resultado di eleccion cu a pasa tabata un referendum palpable y PDR a tuma nota di esey.
Bikker a bisa cu apenas algun siman pasa cu masha tiki informacion, Parlamento mester a aproba 97 miyon Florin na deficit, pasobra e gobierno anterior no a tene cuenta cu e efectonan di recesion.
Pa Gobierno no stanca para, Parlamento a aproba 97 miyon. El a bisa cu e ta contento cu e manera con Gobierno actual ta bay touch cu e BBO, ta duna espacio pa wak kico e efectonan ta bay ta. Esaki ta mihor cu kite por completo di biaha.
Mester duna e gobierno nobo e beneficio di duda, pa wak cone ta bay funciona. Bikker a splica cu ora bo cumpra cosnan grandi manera un auto bo lo ripara di biaha e cambio riba e prijs di sticker, ora BBO baha cu 1,5%. E ta bay tin pues efectonan palpable directo pa pueblo.
Carlos Moreno
Andin a traiciona su partido
Raquel Croes
Sr Andin Bikker ta un di nan cu ta traha pa su pueblo di Aruba!
Hunto cu un super gobierno Aruba lo florece atrobe den 2010.