Argumentonan Di Fraccion Di Mep Ta Argumentonan Cu Nan A Nenga Di Scucha
Segun parlamentario René Herdé
ORANJESTAD(AAN): Parlamentario René “Baba” Herdé durante conferencia di prensa di fraccion di AVP a trece dilanti cu e argumentonan cu el a tende di ex gobernantenan cu awe ta den oposicion contra loke AVP ta haciendo, no ta otro cu argumentonan cu nan a nenga di scucha.
Nan a nenga di ehecuta esakinan y awe si nan ta presenta esakinan como argumentonan.
Un ehempel ta ora cu recientemente un miembro di e fraccion geel a bisa cu for di 2007 tin un proposicion di ley pa emilina e efecto cumulativo di e BBO.
“For di 20007 y e Gobierno no a ehecute?”
Herdé a sigui bisa cu AVP for di comienzo a bisa pa no bin cu BBO.
Si bo kier cambia bo sistema di belasting cambie full, pero no bin cu un BBO cumulativo ariba e sistema di belasting cu ya ta existi.
“BBO tin cu bay y nos tin cu reforza nos economia”.
Esaki segun e parlamentario kende a bisa tambe cu mester stabiliza nos economia y esey ta bay start cu e accionnan di Gobierno cu ta bay cuminza na Januari.
E forza di compra tin cu drecha pa nos hendenan por biba mihor.
E ‘Fare Share’ cu tanto tabata central den e argumentonan di Gobierno anterior no tabata fare pa pueblo y pueblo no a haya ningun Share di e Fare Share cu Gobierno a haya.
