Home Policial Auto a dal dos persona laga nan benta canto di caminda y...

Auto a dal dos persona laga nan benta canto di caminda y sigui core

1
0
SHARE
- Advertisement -

ORANJESTAD (AAN): — Experto den trafico a wordo envolvi pa atende un caso serio di hit and run cu a tuma lugar diadomingo casi 1 or di marduga na haltura Wendy’s Palmbeach. Segun e prome informe cu a wordo suministra na central di polis, dos persona a wordo gedal pa un auto.  A logra capta number y color di e vehiculo. E chofer, aparentemente un hende muher, a baha for di caminda y a dal e hendenan aki laga nan benta pa nan cuenta y sigui core cu e mesun velocidad. Tabata tin testigo cu a capta e number.
Patruya cu mientras tanto a presenta en berdad a topa cu e dos victimanan benta banda di caminda. A pidi pa ambulans mesora na e lugar.

Segun informe compila ta trata di e mucha homber di 17 aña, naci na Colombia y su inicialnan ta O.M.A. y e otro ta un mucha homber peruano di inicialnan S.B. di 16 aña cu ta e dos victimanan.
Nan tabata na caminda pa Gaito.

E auto a bini direccion zuid , baha for di caminda , dal nan y despues subi caminda sigui core.
Tabata tin testigo na e lugar cu a declara cu el a core tras di e vehiculo chikito cual su color ta cora y number A36412.

Tras di wiel a constata un hende muher blond. Mientras tanto ambulans a transporta e dos victimanan pa Dr. Horacio Oduber Hospital pa nan ricibi tratamento medico.

Polis a controla e number y a sali na claridad cu e auto lo mester ta un Hyundai y e ta registra na un direction na Paraguana.

Experto den trafico tin e caso bao di investigacion y locual ta e chofer lo wordo atende manera ley ta describi.

No ta exclui detencion y interogacion lo por tuma lugar ya cu ta dos ser humano a wordo gedal sin cu e chofer a reacciona y para..

- Advertisement -

DUNA COMENTARIO

Please enter your comment!
Please enter your name here