Home Hudicial Caso penal contra Patrick van der Eem diahuebs na Corte

Caso penal contra Patrick van der Eem diahuebs na Corte

0
0
SHARE
- Advertisement -

Judicial*caso di morto den trafico tambe lo tuma lugar
ORANJESTAD(AAN): Diahuebs un biaha mas diferente caso penal ta bay tuma lugar na corte di husticia. E prome caso ta un caso den cual C.D. ta wordo acusa di, conhuntamente cu un otro of otronan, ladronicia den un tienda di joyas y/of placa di un persona riba prome di Juni 2009.
Despues ta bay tuma lugar un caso den cual R.E.D. ta wordo acusa di a intencionalmente destrui banana boat di un compania y/of persona riba 18 di Augustus 2005. Tambe e ta wordo acusa di a menaza un y/of otro persona cu un crimen contra nan bida riba 18 di Augustus 2005, dor di bisa na un forma intencionalmente menazante (entre otro): “Awe boso ta haya”.
R. ta wordo acusa di a intencionalmente maltrata un persona riba 26 di Mei 2006, dor di dal e cu mokete den cara, a consecuencia di cual e persona a resulta herida y/of a sufri dolor.

J.A.A. tambe tin cu presenta dilanti di huez despues cu el a wordo acusa di ladronicia di laptop di un persona riba 19 di Augustus 2008.

J.A ta wordo acusa tambe di ladronicia cu violencia di portmoni cu cen di un persona riba 30 di Augustus 2007. E violencia tabata encera cu e persona a wordo gara dor di A. of su complice y teni y/of manda vloer.

Despues ta bay tuma lugar un caso den cual C.L.C. ta wordo acusa di, cu e intencion di tuma bida di un persona, a hinca e persona ey mas biaha cu un cuchio na su curpa riba 4 di Maart 2007.
A.N.R tin cu presenta dilanti di mesa berde Diahuebs tambe door cu e ta wordo acusa di posesion di un arma di candela di prome di Januari 2000 te 25 di Augustus 2009, sin cu e tabatin permiso pa esaki.

Tambe R, ta wordo acusa di ladronicia di un pistool perteneciendo na un persona of na KPA, cu e tabatin bao dje den su funcion di ambtenaar di polis, den e periodo di prome di Januari 2000 te 25 di Augustus 2009.

Penultimo caso Diahuebs ta un caso den cual P.D.V.d.E. ta wordo acusa di posesion di cocaina den e periodo di 16 di Augustus 2009 y 24 di Augustus 2009. Tambe e ta wordo acusa di posesion di marihuana riba 16 di Augustus 2009.

Alavez V.d.E. ta wordo acusa di a menaza un persona cu un crimen contra su bida den e periodo di 14 di Augustus 2009 te 17 di Augustus 2009. Esaki dor di bise na un forma intencionalmente menazante cu e lo mate y/of tire y/of (entre otro): “Ora mi haya bo riba caya, bo ta bay wak kico ta bay pasa cu bo

Ultimo caso Diahuebs ta un caso den cual R.F.M. ta wordo acusa di a comporta su mes di tal manera den trafico como chofer di un auto, cu tabata dor di su culpa cu a tuma lugar un accidente di trafico riba 20 di April 2008 na haltura di airport, caminda un persona riba un motorcycle a wordo mata. Tambe e ta wordo acusa di a core auto riba caminda publico riba 20 di April 2008 sin rijbewijs

- Advertisement -

DUNA COMENTARIO

Please enter your comment!
Please enter your name here