Home General Cliente A Cuminza Proceso Di Solicitacion Lunanan Prome Cu Eleccion

Cliente A Cuminza Proceso Di Solicitacion Lunanan Prome Cu Eleccion

2
0
SHARE
- Advertisement -

Segun abogado di empleado di DOPV,

 ORANJESTAD(AAN): Diamars despues di tratamento di e caso cu trahadornan di DOPV a entama contra Minister di Turismo, Transporte y Labor Otmar Oduber, DIARIO a entrevista abogado Amelin Flanegin, kende a representa 1 di e 8 trahadornan aki cu dia 20 di November a ricibi nan carta di retiro, despues cu recientemente nan a haya trabao na DOPV.

Segun sra Flanegin, e proceso di solicitacion di parti di su cliente a cuminza basta tempo prome cu eleccion a cuminza.

El a solicita na Augustus 2009, el a pasa henter e trayecto di ‘weving’ tambe y despues el a cuminza traha riba 21 di October.

Rond di 23 pa 24 di November el a wordo kita, despues cu el a ricibi un carta fecha dia 20 di November, den cual el a wordo bisa cu e mester stop di traha.

DIARIO a puntra mr. Flanegin kico tabata su defensa pa su cliente.

Segun e abogado, el a hasi un asina yama ‘voorlopige voorziening’ den sentido cu a pidi corte como huez di ambtenaar, pa lage sigui traha.

Huez tin cu dicidi ainda si e empleado a bira ambtenaar of no.

Esey ta e prome cos cu huez tin cu atende cune.

Mr. Flanegin a sigui bisa cu e persona aki no a haya un landsbesluit, pero el a cuminza traha caba.

E abogado a bisa cu Gobierno a trece dilanti cu no tabata tin placa pa nombra e hendenan cu a wordo nombra pa traha na DOPV y cu no tin un presupuesto pe.

Segun Gobierno pues, no tin posicion pa e cliente di sra Flanegin, pues e tin cu bay cas.

DIARIO a puntra si director di DOPV tabata para cu Gobierno confirmando cu no tabata tin presupuesto pa e empleadonan aki wordo tuma.

Segun e abogado, den e cartanan cu el a wak relaciona cu e trabao, tur cos tabata parce normal.

Gobierno anterior a pone placa disponible pa specialmente pa e hendenan cu a wordo nombra pa traha na DOPV.

Huez ta bay duna su decision dia 6 di Januari.

- Advertisement -

DUNA COMENTARIO

Please enter your comment!
Please enter your name here