Home General Clientenan di Direct TV Aruba birando victima di “Phishing” telefonico

Clientenan di Direct TV Aruba birando victima di “Phishing” telefonico

8
0
SHARE
- Advertisement -

Actonan criminal y peligroso…
Den caso di ricibi un yamada mester haci denuncia mesora!
ORANJESTAD (AAN): “Phishing” ta un termino utiliza pa describi e intencion menos bon di kier adkiri cierto tipo di informacion confidencial di forma fraudulento. Datonan manera password, usuario, informacion confidencial relaciona cu tarhetanan di credito, banco, etc. E “PHISHER” ta esun cu ta usa e nomber di un empresa di confianza, simulando un comunicacion oficial, ya sea pa medio di email of text messages, of incluso atravez di telefon.
Esaki ta algo hopi conoci actualmente riba internet ora cu hendenan cu mentenan criminal ta haci uso di un nomber specifico of conoci caba pa horta bo datonan personal y pa e ora ey posteriormente comete delitonan manera estafa of “scam”.

Un di e casonan aki ta tumando lugar actualmente na Aruba cu e compania Direct TV.
Leopoldo Correa, Director di TV Aruba, den entrevista cu DIARIO a duna di conoce cu na e momentonan aki hendenan sin escrupulo ta yamando gran parti di su clientela for di exterior pa pidi nan datonan personanan den nomber di Direct TV Aruba.

E malhechornan aki ta yama e cliente y ta bise cu e compania ta eliminando e tarheta cu e tin actualmente y cu e lo haya un nobo. E “Phishernan” ta pidiendo e cliente entre otro diferente dato personal.

Sr. Correa a haci di conocimento publico cu Grupo Leo TV & Communications NV, cual ta e unico representante di Direct TV na Aruba registra na Direccion di Telecomunicacion (DTZ) no ta esun cu ta realizando e yamadanan aki na e clientenan.

Un yamado di alerta ta bay na e clientela di Direct TV Aruba pa ora di ricibi tipo di yamadanan asina pa no duna ningun dato y pa mesora haci e denuncia. Den caso di haya un yamada di e tipo aki por yama pa haci denuncia na e number di telefon 588-3700 cu ta e oficina principal di Direct TV na Aruba.

Segun Leopoldo Correa den e ultimo dos siman algun di su clientenan a cuminza yama e tipo di yamadanan aki cu ta bin for di exterior y no ta conoci ainda e propositonan di e actonan criminal aki.

A laga sa cu Direct TV ya caba tin ocho aña den e mercado arubiano y nunca un cos asina a sosode. Te na e momentonan aki no ta conoci précis for di unda e yamadanan ta bin y cual ta e intension, cual sigur no ta algo pa confia.

A enfatiza cu ta trata akinan di actonan criminal, hopi peligroso y pesey mester haci e denuncia na e autoridadnan competente aki na Aruba.

Den e caso aki ta bon pa e minister encarga cu Telecomunicacion, Minister Mike de Meza ta na altura di kico ta pasando como tambe Polis. Si ta necesario lo pone Interpol na altura di e situacion tambe, a enfatiza.

Pa medio di DIARIO, Sr. Leopoldo kier a haci un yamado di alerta na e comunidad Arubano pa evita bira victima di e delincuentenan aki y haci denuncia mesora.

- Advertisement -

DUNA COMENTARIO

Please enter your comment!
Please enter your name here