Home Politica Decreto Ministerial, pa regla asunto di permiso pa taxi

Decreto Ministerial, pa regla asunto di permiso pa taxi

0
0
SHARE
- Advertisement -

otmarfirma1*tur cos mester bay a base di reglanan di bon gobernacion
ORANJESTAD(AAN): Dialuna Minister di Turismo y Transporte Otmar Oduber a tene un rueda di prensa, den cual el a trece dilanti cu e lo bay firma un Decreto Ministerial (MB), relaciona cu e encuentro cu tabata tin cu tur e asociacionnan di taxi y a papia riba diferente fenomeno cu a tuma lugar. A base di e mesun decision pa hala aden e 52 ‘toezeggingen’ cu a wordo duna pa e Gobierno demisionario, awor ta cuminza di biaha na ehecuta ley.
Segun Oduber, algun siman pasa a mustra riba e hecho cu tin algun cos cu no a bay segun regla y segun bon gobernacion y segun conseho di diferente departamento, a tuma e decision di anuncia pa prome di December 2009, cu e maneho pa loke ta hala aden of duna permiso pa taxi, lo mester bay segun reglanan di bon gobernacion.

Esaki ta pa evita cu e tipo di negoshinan manera den pasado ta sigui tuma lugar.
Na e manera aki ta hasi e proceso mas husto. E M.B lo pone cu lo bay bek na uza e reglanan di antes.

otmarfirma2Loke a tuma lugar den pasado reciente tabata cu ora un persona no tabata kier core taxi mas, e tabata duna e Minister encarga esaki di conoce.

E persona conhuntamente cu Gobierno of e Minister asigna, tabata dicidi ken nan ta duna e taxi, sin cana e proceduranan corecto cu mester ta a base di bon gobernacion.

Aworaki ta bay eherce ley, caminda cu e unico momento cu lo permiti traspaso di un permiso di taxi pa tuma lugar, ta ora den casonan di por ehempel problema di salud, e vergunning ta bay pa un persona den famia cu ta biba den e cas y ta mantene e famia.

No por ta asina cu e ta wordo pasa pa un tercera persona, sin cu esaki ta cay den criteria di e reglanan cu ta poni den ley.

Aunque e ta ley, el a bira un custumber cu gobierno anterior tabata traspasa esakinan, sabiendo cu tabata tin cosnan tumando lugar cu no ta corecto.

- Advertisement -

DUNA COMENTARIO

Please enter your comment!
Please enter your name here