Home Deporte Deportivo Nacional Campeon di Fedeveta 40 plus

Deportivo Nacional Campeon di Fedeveta 40 plus

8
0
SHARE
- Advertisement -

futbol7ORANJESTAD (AAN)— Ariba tereno di Caiquetio a tuma lugar e gran final di Fedeveta den categoria di 40+. Dilanti di un publico bastante grandi nos por a goza di un wega hopi deportivo entre Nacional y Caravel bringando pa e titulo maximo. Eison Parra ta habri e anotacion pa Nacional bay ariba 1 – 0 y tabata hustamente e mesun hungador Eison Parra kende a score su di 2 gol di anochi y asina sigura e victoria pa Nacional cu e pitazo final 2 – 0 y asina Nacional a coi e titulo di campeon di Fedeveta den categoria 40+.
Tambe nos a haya e mesun atardi aki e partido entre Inter y Hooiberg pa e titulo di campeon di “Copa Cinco”, aki Inter a mustra un biaha mas su nivel di futbol veterano y asina tambe ta derota Hooiberg cu e score di 3 – 0 cu golnan anota pa Rafael Vanegas y Jony Manjares y Hooiberg a regala Inter un autogol, y asina tambe Inter ta coi campeon di “Copa Cinco”.

Pa mas o menos 8:00 p.m. tabata ta tin e disputa pa e di tercer puesto entre Roma y Rooi Afo. Rooi Afo un biaha mas a mustra cu nan ta serio e aña aki y sin vacila nan a derota Roma cu e score minimo di 1 – 0 cu gol anota pa Victoriano Orman.

Refreenan cu a fluit e weganan tabata: Fan Dijkhoff, Ernest Mohammed, David Cruz y Carlos Rubio.

Despues di e gran final tabata tin entregamento di trofeo na e respectivo equiponan y tambe na e hungador Rafael Vanegas kende a sali goalgether di e campeonato. E hungador mas valioso a resulta den persona di Tito Hernandez di Nacional.

Por ultimo Fedeveta kier a gradici tur su sponsornan, tur e teamnan afilia na Fedeveta , prensa en general, nos fanaticonan veterano, voluntarionan cu di un of otro manera a yuda y nos refreenan pa e aporte na nos futbol veterano cu atrobe nos por mira atras ariba un exito y a la bez desea tur hende feliz dianan di Pasco y un prospero 2010.

- Advertisement -

DUNA COMENTARIO

Please enter your comment!
Please enter your name here