Home Hudicial Directiva di CAPA ta exigi rectificacion di parti di Juan Carrasquero

Directiva di CAPA ta exigi rectificacion di parti di Juan Carrasquero

15
0
SHARE
- Advertisement -

juancarraskeroORANJESTAD(AAN): Diamars Juan Carrasquero kende tabata Comisario di Cooperativa di Ahoros y Prestamo Aruba (CAPA), a tene un rueda di prensa den cual el a trece diferente acusacion dilanti pa loke ta Directiva di CAPA, mencionando entre otro sumanan di placa cu lo a wordo manda pa FARC na Colombia di parti di cierto miembro di directiva di CAPA. Despues cu directiva di CAPA a tuma nota di esaki, nan a manda un comunicado di prensa, den cual tin para cu e directiva ta distancia su mes di tur informacion cu sr. Carrasquero a trece den prensa.
E comunicado ta bisa tambe cu abogado di CAPA a ricibi instruccion pa exigi di sr Carrasquero pa e rectifica loke el a bisa di CAPA y di su miembronan di directiva.

CAPA a bisa tambe cu nan ta enfatiza cu e cuentanan financiero/administrativo di CAPA ta wordo hasi pa profesionalnan (no directiva), pa despues wordo certifica door di un oficina di accountant (antes KPMG, desde 2008 Oficina di Ricardo Wever).

Despues Banco Central ta hasi e controlnan necesario. E comunicado a wordo firma pa e 6 miembronan di directiva.

- Advertisement -

DUNA COMENTARIO

Please enter your comment!
Please enter your name here