Home General Dos arma automatico y largo marca Colt a somenta na Warda Nos...

Dos arma automatico y largo marca Colt a somenta na Warda Nos Costa

2
0
SHARE
- Advertisement -

armacoltCentenares di bala ta riba caya tambe…
Aki tin cabeznan cu lo bay lora!

ORANJESTAD (AAN): Cabeznan lo bay lora den Warda nos Costa cu ta bay bao di IASA. Dos arma hopi pisa a somenta misteriosamente for di e oficina. A descubri esaki diabierna y parce cu kier a tapa e asunto tambe. Si tabata tempo di MEP sigur e caso aki lo a bay doofpot. Awor a purba haci intento pero e asunto ta demasiado serio te cu nos a mira e director Rudolf Kelly na careda pa Bestuurskantoor pa duna cuenta na su hefe minister Arthur Dowers.
DIARIO tabata sa di e asunto aki caba y te hasta a busca manera di haya Rudy Kelly su comentario pero el a prefera di keda keto.

armacoltdosTur cos ta mustra cu cabeznan lo bay cay pa e asunto aki. Lands Recherche lo bay cuminsa mesora cu un investigacion pa asina purba haya sa kende por ta responsable pa e acto serio aki.
E armanan aki ta armanan sumamente pista. Ta un tipo di rifle automatico usa pa cuida costanan den oranan di marduga. Polis tambe tin e tipo di armanan marca Colt aki.

Ta armanan automatico sumamente peligroso. Hunto cune parce cu tin alrededor di 1000 bala cu tambe a somenta. Esey kiermen cu esnan cu a bay cu e dos armanan aki tin suficiente bala pa haci un desaster riba nos isla.

E armanan aki no a ser usa den e atraco di mainta. Ta di spera cu por logra haya e armanan aki back.

E foto aki ta mustra ki tipo di arma a ser horta na Warda nos Costa. Nan lo tabata warda den un cashi aparentemente. Asina sigur e lo no tabata pasobra a logra yega na nan sin cu ningun hende a haya sa.

- Advertisement -

DUNA COMENTARIO

Please enter your comment!
Please enter your name here