Home General Dos Miembro Di Hunta Di Comisario Di Azv A Baha Na Awa...

Dos Miembro Di Hunta Di Comisario Di Azv A Baha Na Awa Cu Mas Di 100 Mil Florin

0
6
SHARE
- Advertisement -

Te unda sinberguenzura di hende por yega…

Shon No Maduro y Peter Smith tabata gana miles sin traha…

ORANJESTAD(AAN): Na Aruba tin biaha bo ta mira cierto cos pasa y bo ta puntra bo mes con sinberguenza un hende por ta. Na AZV tabata tin un maneho hopi desastroso.

   Ora cu algo asina pasa bo por culpa tur esnan cu a hiba e maneho. E directornan y tambe esnan den e hunta di comisario ta culpable di e maneho malo den AZV. Un bin decision di e gobierno nobo ta pa manda e dos directornan nombra politicamente cas. Hunto cu nan naturalmente mester manda tambe e board completo di AZV. Tin cu sa con mucha manda nan tabata ta di e gobierno anterior y nan mes a entrega retiro. Mientrastanto tin dos cu no kier bay.

   Pa colmo gobierno mester bay paga nan un suma di mas cu 100 mil Florin pa nan entrega nan retiro. Esaki ta loke nos ta yama sinberguenzura. Shon No Maduro ta miembro di e board di AZV y ta gana riba 2000 mil Florin pa luna. Kico el a haci pa AZV. Un board cu practicamente no a funciona. Pasobra e tabata MEP a dune un puesto eyden y page pa e traha. Si mira rond di dje te hasta tin hende yega na dje cu a haya trabao den porta di eleccion den gobierno. Ta manera cu nan no por sin e placa di pueblo.

   Peter Smith ta e otro cu ta den board. Berdad tur caminda e tabata cana den sombra di Booshi Wever. Unda cu Booshi lora Peter Smith tabata lora su tras. Peter Smith tabata den dos board. Uno di AZV ganando riba 2000 mil Florin y tambe den esun di IMSAN ganando tambe otro 2000 mil Florin. Peter Smith mester bin splica pueblo kico el a haci den e board di ambos instituto. Ningun hende tabata tende mes di nan y awor diripente a resulta cu nan tabata defensornan di gobierno pa balia riba tono di gobierno den AZV. E dos miembronan aki no kier entrega retiro.

   Pa gobierno deshaci di nan lo mester paga un suma di mas cu 120 mil Florin. Uno di nan ta bay cobra riba 70 mil Florin. Ta bon pa pueblo mira bon cu ki tipo di hende e gobierno anterior tabata atende cune. Gana 2000 Florin sin traha y awor mester paga nan pa bay tambe. Shon No Maduro ta un pensionado caba y parce cu no tin limite pe pa ranca placa di e pueblo. E tabata den prome linja di e grupo di Friends and Family. Nan no por biba sin MEP na mando. Pueblo e placa cu e hendenan aki ta haya ta ranca for di boso saco. Ora boso mira Peter Smith y tambe Shon No Maduro mustranan cu loke nan ta haci ta un abuso contra e pueblo. Shon Maduro cu tur pension, trahando na Avond Mavo tabata haya tambe 2000 Florin djis como miembro di board di AZV. Peter Smith rancando 4000 Florin pa luna miembro di dos board. Biba Lekker djis pa defende maneho desastroso di MEP y Booshi Wever.

- Advertisement -

6 COMMENTS

  1. Tur e anyanan kunan a biba lekker cobra sin hasi
    nada huez mester kita siquiera mitar di nan salario di luna den 5 anja anto loque ku nan tin ku cobra ta e verscheel. banki

  2. BON ANJA 2010 na prome lugar pa tur esnan cu bon voluntad y consenshi limpi. Semper e gobierno anterior sa con pa traha nan contract y pa asina sigi horta e pueblo. Waak tur e edificionan di F&F. Plaka ta mas importante cu consenshi limpi y orguyo. Corda cu plaka mal gana, bo no ta disfruta di dje ni abo ni bo famia. Tin un Dios. Hustitia lo vence un dia, e verdad lo sali na cla un dia. Y e verguensa ta pa bo yuinan di sa kiko nan tata/welo a hasi.

  3. Esaki ta e sinberguensa nan cu a laga AZV sigi zink Aruba. Mi ta hanja cu ta bira tempo cu ta pone cada un di nan incluindo e director nan personal mente responsabel pa e mal manego di AZV i cumsa kita placa di nan. Pero esaki tambe tambe tin cu conta cu tur e otro indentida nan cu ta di gobierno ect.

  4. “Seranan i tira jabi afo”kita tur cos di nan laga nan cumisa ful di nobo wak con dushi e ta . ta pesey hopi arubiano ta bai of biba den exterior pa nan salu paso no tin plaka pa juda nan cu nan salu. Danki Dios pa Hullanda cu ta juda nan den nesesidad deporabel . ta e hende malo nan ey mester hanja mal malesa pa nan sinti. Danki

  5. Diario mester pone potret bon cla, no scirbi so, pone potret pa tur hende conoce e sinberguenzanan aki.
    Aki 4 anja ta pone nan atrobe pa mustra pueblo si nan kier e personanan aki atrobe den gobierno.

  6. Y cuanto e comisarionan nobo di AVP lo bay gana? Y Diario lo publica pa nan tambe kico tur nan lo haci pa AZV, si nan haci algo at all?

DUNA COMENTARIO

Please enter your comment!
Please enter your name here