Drs. Xiomara Maduro Actuando Hopi Ridiculo

Publication: Thursday, 31 December 2009. Categoria: General

Esaki ta e motibo pakico e nivel di Staten no ta keda eleva!

ORANJESTAD(AAN): E network social Facebook a bira un medio cu hopi tin acceso na dje, casi por bisa cu pa minuut e tin un atencion. Ta bon pa cierto hendenan realisa cu e por ta un bon medio pa yuda den educa y concientisa un pueblo, pero no pa haci redo of skirbi cosnan cu no ta corecto ariba dje.

   Ta tristo pa mira con un persona manera drs. Xiomara Maduro, protehida di e lider di MEP, sr. Nel Oduber, hasta Nel a cede su asiento pe, ta sinta skirbi disparate ariba Facebook na lugar di haci su trabao den Staten. Xiomara por a usa su tempo mihor door di sinta scucha con otro parlamentarionan cu experiencia grandi, kisas di su propio partido por siñe con pa hiba politica.

   Con pa ora durante tratamento di leynan asina importante pa nos pais, drs. Xiomara Maduro ta sinta hunga ariba su facebook, skirbiendo encuanto circo etc. Ta parse cu  ta e mes ta hungando di payaso den su mesun circo.

   Pueblo a mustra cu e tabata fada di Nel Oduber pa su forma di papia cu tabata bao nivel y tabata hiba politica di riool, awor ta Xiomara a sigui e bon lesnan cu e a haya di su lider. Nos ta spera cu Xiomara lo siña su les, educa su mes, corda cu estudio no ta tur cos, pero con bo ta actua, comporta y traha ta esun cu ta haci bo un persona intelectual. Laga politica di riool pa hende cu menos estudio y ta bo deber y derecho, kendenan a bay studia cu placa di pueblo pa realmente traha na interes general di nos pais.

E hobennan mester por haya mihor ehempel di esnan cu ta den Parlamento pa asina nos por haya personanan capaz, bon studia, bon prepara, pero no personanan cu apesar di nan estudio nan a keda mucha y ta comporta nan mes como mucha. Xiomara ta duel nos pa bisa, pero abo ta un di nan y for di bo e pueblo y nos hobennan no por haya e mihor ehempel. Por bisa cu bo ta un politico cu a nace como un politico sin futuro of mihor bisa un fracasa. Foei Xiomara, lesa loke bo a publica ariba facebook pa asina bo mes por corehi bo mes y escohe pa bandona politica cu defintivamente no ta bon pa bo.

One Response to 'Drs. Xiomara Maduro Actuando Hopi Ridiculo'

  1. January 3, 2010 at 5:19 am
    hik hik hik

Leave a Reply