Home Editorial E GUERA DI MEP CONTRA ARUBA

E GUERA DI MEP CONTRA ARUBA

5
2
SHARE
- Advertisement -

jossy_mansur_pic                Ainda e exponentenan mayor di MEP no a compronde cu nan a perde eleccion, y cu den e derota ey, nan a sufri un transformacion: di un set di bandido nan a para bira un set di profetanan di desierto, cu voznan cu no ta alcanza sino esnan cu no tin mester di nan recordatorio pasobra ainda nan tin nan brilnan di palo bisti. Ni un legion di comehein por a yuda Aruba libra su mes di e plaga cu a castiga Pueblo durante 8 aña, pasobra hopi bril di palo a sobrebibi e dientenan destructor di e insectonan ey. Esey ta indica cu e campaña di MEP, o sea e mentalidad di odio cu el a propaga, a cria cierto raiz, aunke e no a crece manera nan a pensa pa duna nan e victoria.

                E guera di MEP contra Aruba no tabata uno militar, e no tabata tin mester di fusilnan y ametrayadornan, pasobra e no tabata dirigi pa causa un destruccion fisico, sino uno mental. Freud a keda babuca di e intensidad cu cual MEP a hiba e campaña ey a lo largo di su existencia, plamando su odio tur caminda, especialmente riba su contrincantenan político y/o intelectual.  Bo por sintie ta flota ainda den aire, aunke sin e poder di logra su obhetivo.

                Loke si el a destrui ta e union precario cu Betico a logra crea na Aruba, ya cu el a haci desaparece e diferencianan cu tabata existi entre campo y playa, entre comercio y trahador, entre Arubiano y stranhero. Nel, di su banda, a converti e separacion di tur e relacionnan ey den su obhetivo principal, apoya pa varios di su ayegadonan mas cercano. Bo no por papia mas di un Pueblo uni, di un solo Aruba, di un convivencia sano entre e diferente nacionalidadnan cu ta compone nos poblacion.

Tur eseynan a bira victima di e politica di guera cu e MEP di Nel a propaga den tur skina di Aruba. Loke e no a realiza, pasobra e no tin e capacidad intelectual ni e vision di estadista rekeri pa compronde, ta cu su guera di odio no tabata dirigi contra algún sector di Aruba, sino contra Aruba mes. Pushando e mayoria un banda pa su minoria djodjo cu tur e beneficionan cu poder ta otorga, el a traha e abismonan di incompension cu ainda ta perdura, y cu ta bay toca e gobierno nobo solventa. Despreciando e mayoria pa beneficia un minoria absoluto no ta procede di talento, sino di ceguera político.  Bo no por construi un pais yenando e cu divisionnan casi insalvable! Bo no por alimenta un nacionalismo sano enrikeciendo amigonan y famianan y empobreciendo e resto di Pueblo.

                Di cu no tin ganashi den cualke estado di guera, militar o psicosocial, ta di e conocimento di tur esnan cu no ta ciega pa algun di e pasionnan negativo cu e MEP di Nel tin na granel. Odio o rencor no ta amigonan di paz, di concordia, di comprension. Nan ta e carpatanan cu ta pega na curpa pa chupa loke e tin di sanger. Na lugar di asumi e derota reciente cu humildad, reconociendo erornan y abusonan cometi, ata e sanguranan geel lanzando tur clase di improperio contra esnan cu Pueblo, den su mayoria absoluto, a elegí pa dirigi su pais durante e proximo 4 añanan. Na lugar di haci un autoexamen, di haci un estudio patologico di tur loke a bay malo, ata nan buscando defensa den un tou di mentiranan insostenible.

                Pueblo di Aruba y Aruba a gana cu e cambio di Gobierno. Ya nos a mira caba con e mandatorionan actual ta desfila nos dilanti sin baha cabez pa e guera di odio lanza contra nan durante tanto aña, logrando desde awor asuntonan di importancia pa nos isla. Apenas nan a sinta cu ya KLM ta anuncia su regreso pa Aruba na cuminzamento di Februari próximo. E linea di cruceronan lo sigui, y despues di dje, e reapertura di e refineria. E cosnan aki no ta sosode pa casualidad! Nan ta e resultadonan di pensamentonan y accionnan positivo, di respet pa otronan y comprension pa e obstaculonan cu nan tambe tin di vence. E relacionnan cu Hulanda ta riba un nivel completamente diferente, mas consono cu e lazonan di amistad, respet y admiracion cu ta existi durante hopi siglo pa un pais cu apesar di su menor tamaño geografico, a logra un sitial di respet y admiracion entre e paisnan mas grandi di mundo.

                Mi ta convenci cu Mike ta e berdadero lider di Pueblo Arubiano sin ningun lugar na duda. Nos a dune e encargo di haya e ekilibrio necesario pa harmoniza tradicion cu progreso, firmeza cu tolerancia, y comproba cu un Pueblo no ta biba di odio y rencor, sino di e persisencia eficaz di democracia y libertad, den cual cada ken por busca su racion posible di pan y su racion posible di speranza.

- Advertisement -

2 COMMENTS

  1. sr mansur leyendo el ultimo comentario acerca de politica me quedo con mi boca abierta de leerlo y ver como es usted de magistral de intelectual en su lengua magnifico y de una manera tan especial que tiene usted senor de hacer sus comentarios sus criticas tan construtivas tan acertadas usted sabe que su colunna de critica de los aconteceres politicos de aruba son el compas delos extrangeros que por anos como yo (20) de vivir en aruba tenemos para darnos cuenta de una manera acertada y profecional lo que sucede con los partidos politicos lo que hacen lo que hicieron y de una manera al estilo del mejor adivino lo que va a suceder es magestral la manera de como usted por medio de esta colunna uno se da cuenta de lo que pasara y lo que paso mil gracias por su aporte al pueblo de aruba y por ser uno e incomparable escritor del futuro del presente y del pasado en lo que se refiere a politica solo me queda darle los agredecimeintos por todo esto y por favor le pido un favor especial haga una investigacion de un grupo selecto de nos comunidad que ha hecho desastres con los derechos humanos.con los abusos de autoridad ya que este grupo seceto de individuos no tiene la educasion ,la cultura ,el conocimento de hacer lo que hacen se lo digo yo que conosco de cerca alguno de estos individuos ke los ha tocado la varita magica de algun politico y los ha puesto en este grupo selecto de violadores de todo tipo de sistema este grupo selecto de que le hablo se llama GUARDA NOS COSTA en 20 anos que he vivido en esta hermosa isla nunca habia visto algo igual y ese es el gran pecado del senor RUDY CROES fue lo ultimo que hizo como politico lo mejor que hizo y creo y fundo como el inolvidable MINISTRO DE JUSTICIA investigue todo lo que ocurrio con la famosa oficina de MOCHIMI en santa cruz terible todo eso como perdimos de dinero como nos robaron entre todos yo fui uno de esos ya que en esos anos tenia premiso aun no tenia mi nacionalidad que por cierto se me demoro 9 anos en llegarme solo por que no use los metodos que muchos hacen en fin eso era todo mil gracias .y ami ta scrirbe y compronde un bon papiamento tambe mi a scrirbe na spano pasobra e ta mas miho pa mi pero mi ta compronde tur cos alles neerlands ingles ok danki y mi ta spera ku nos tenebo pa hopi anja y dios dunabe hopi salud mis deseo para lo miho ku aruba tin bo persona mescos ku DIARIO el miho di tur danki un bon anja

  2. Asina mes …NOS LIDER MIKE EMAN ta cumpliendo ku tur promesa ku AVP a bisa den campaña. No manera e vulgar, ordinario y mentiroso partido di Matar El Pueblo ku a baha Aruba su nivel no na Arua so pero na Hulanda tambe. Pone Arubiano nan kara na BERGUENSA kon DOM y Fraudulento nan a goberna 8 anja. Awor tur kier skirbi kos den korant pa mancha AVP pero nan ta dal nan dede bon duru …PUEBLO A DICTA e sentencia pa MEP y esina a aplasta nan manera kakalaka vies ……. Awor tur esnan ku a perde nan caso kontra gobierno paos MEP a duna nan trabow envano ku enganjo spera boso wowo tambe habriiiii …..Toka e kantika di Comehein y lagele kome e bril nan di aplo pa boso profin sali di e circulo di tempestad y contaminashon y Habri boso mente y pulmonnan y laga e rosea y aire fresko di e gobierno nobo aki drenta pa alivia boso bida !!!

    AVP si ta cumpli y SI TA PA E PUEBLO !!!!

DUNA COMENTARIO

Please enter your comment!
Please enter your name here