Home General E Primanan Di Aov Cu Direccion Di Impuesto Ta Ricibi, A Cay...

E Primanan Di Aov Cu Direccion Di Impuesto Ta Ricibi, A Cay Considerablemente

0
0
SHARE
- Advertisement -

svb2ORANJESTAD(AAN): DIARIO den un entrevista a puntra director di SVB Edwin Jacobs con 2009 a bay y kico e plannan ta pa 2010.

Segun ing. Jacobs, 2009 tabata un aña di hopi reto.

E desaroyo economico no tabata esun di mas faborable y SVB a tuma nota di esaki tambe den e cantidad di prima-nan cu nan ta ricibi di diferente seguro social cu nan ta administra.

Por ehempel e primanan di AOV cu direccion di impuesto ta ricibi, a cay considerablemente compara cu e aña anterior.

El a cay cu alrededor di 5 pa 6%.

Den luna di October a ripara un caida mas drastico den un solo biaha di 15 miyon pa 12 miyon florin.

Pa November no a haya ainda e informacion.

Bo ta mira si cu e recesion mundial tin su efecto cerca nos tambe na Aruba, segun Jacobs.

Si bo tuma na consideracion e primanan di seguro di malesa y accidente, ta constata cu eynan tambe esaki a cay cu 5% durante e aña aki.

Di otro banda e gastonan cu SVB tin a sigui aumenta.

SVB ta calculando cu e deficit a cera na alrededor di 38 pa 39  miyon florin, sin conta e gasto di administracion.

Pa loke ta e dianan di A.O cu SVB mester a compensa na 2009, ta calcula cu esaki lo ta 10% mas cu e aña anterior.

E cantidad di trahador sigura a reduci tambe.

Pa otro aña ta pre-mira cu si economia lanta bek y turismo tambe drecha, esaki lo percura cu e entrada di e primanan lo crece un poco.

Loke ta bay keda un factor importante ta bay ta con ta bay para cu e refineria.

Pues esaki ta nifica cu actualmente ta dificil di calcula cuanto e entradanan di otro aña ta bay ta.

E aña aki a yega na 183 miyon na pago di pensioen, mientras cu pa otro aña esaki ta bay ta mas di 190 miyon florin.

- Advertisement -

DUNA COMENTARIO

Please enter your comment!
Please enter your name here