Entrega di premionan di ABBA Awards Night 2009
ORANJESTAD (AAN)— Diario Deportivo tabata presente den e ceremonia di entrega di premionan di ABBA Awards 2009, cual a tuma lugar recientemente na Club Primavera.
Como Mihor Catcher di 2009, e premio a bai pa e hoben Jair Thompson di e team Red Machine, sigur un reconocemento bon mereci.
Siguientemente como Mihor Primera Base di 2009, e premio a bai pa e hoben Enrique Tromp kende tambe a ricibi e premio como Champion Home Runner di 2009.
E premio como mihor segunda base di 2009 a bai pa e hoben Jason Orman di e team ATCO Indians, kende tambe a haya e reconocemento como Champion Batter di 2009.
E premio como mihor tercera base a bai pa e hungador Richard Flanegin kende tambe a ricibi un reconocemento especial pa su trayectoria di varios aña den e deporte di Baseball di Aruba.
E premio como Mihor Short Stop di 2009 a bai pa e hoben Zerzinho Croes. Jandido Tromp di e team ATCO Indians a ricibi e reconocemento como Mihor Left Fielder di 2009.
E premionan como mihor Center Fielder y Mihor Left Fielder a bai pa e hobennan Julio Hernandez y Edsel Robles, respectivamente, ambos hungadornan di e team Red Machine.
E premio como Mihor Utility Player 2009 a bai pa e hungador di e team Red Machine, esta Alex St. Jago, y e premio como Rookie of the Year 2009 tabata pa e hungador Edson Thiel.
Otro premionan cu a wordo entrega tabata como lo siguiente: Come Back Player of the Year, tabata pa e hungador Edsel Robles.
Manager of the Year 2009 tabata den man di Joy Orman di e team ATCO Indians.
Dereck Westerburger di ATCO Indians a ricibi e premio como Champion Pitcher, y e premio como MVP di Playoff 2009 tabata pa e hungador Aldrick Dijkhoff.
E Team di Valero a haya e reconocemento como e Team Sub Campeon Hubenil di 2009 y como Campeon di e Categoria Hubenil di 2009 tabata e team AIB Rockets.
Tres hungadornan a wordo honra cu un reconocemento especial pa nan prestacion den e deporte di Baseball, tabata e caso di Jandido Tromp, Derwin Ruiz y Richard Flanegin.
ABBA tambe a hasi entrega di varios reconocemento pa e Decada aki, tabata e caso di Jozef Maduro kende a haya e premio como Pelotero di Decada cu mas Hit. Francis Kelly a haya e reconocemento como e Hungador cu mas Home Run di e Decada cu un total di 25 HR.
Alfred van der Linden a haya e reconocemento pa Mas wega gana den e decada cu un total di 26 wega gana, y finalmente Pitcher di Decada a cai den man di Sandy Roga.
Diario Deportivo ta extende un palabra di Pabien na tur e hungadornan cu a wordo honra durante e anochi di entrega di premionan di ABBA y tambe na directiva di ABBA pa e trabao realiza durante e aña aki, sin embargo ta lamenta e falta di profesionalismo di e persona cu a bai para como MC kende aparentemente den su concepto ta kere cu Baseball ta e unico deporte cu mester wordo cubri pa prensa deportivo, y cu a la vez a pretende di pone e publico en contra di periodistanan deportivo cu tabata presente, pa despues bin pretende cu nos mester bin para dilanti pa haya un reconocemento pa nos labor, Sorry shon! Nos no ta payaso ni di bo y di ningun hende!
hik hik hik
Ken tabata e MC anto? Mi a lesa e opinion di Diario y awor mi kier sa e opinion di e pakiko cu e MC a bisa asina pa mi saka mi mesun conclusion kiko ta e verdad. Ambos partido mester duna nan punto di bista. Wak den spiel shon MC, a bo lo subi e palo ey. Ta na circo bo ta? Periodistanan ta hasi nan trabao y punto.