Home General Esnan di PricewaterhouseCoopers a tene nan cena di pasco

Esnan di PricewaterhouseCoopers a tene nan cena di pasco

1
0
SHARE
- Advertisement -

pricewater2ORANJESTAD (AAN): E ekipo di oficina di PricewaterhouseCoopers a disfruta di un lunch special di Pasco na Chez Matilde Grand Old House Restaurant.

Partner Edsel Lopez a refleha riba e nificacion berdadero di e dianan di fiesta ora el a toca riba e aspecto religioso di e dia como tambe e componente social, treciendo hende hunto, den un estado di mente di pordon, amor pa otro y cariño.

   Lopez a sigui pa menciona e tantisimo eventonan cu a worde organiza na e oficina e aña aki, entre nan un cantidad di seminario educacional y informativo gratis cu tabata disenja pa beneficia clientenan, como tambe actividadnan sosteni pa e compania.

El a sigui cu e deseo di exito pa e miembronan saliente di su ekipo, y a conclui cu e expresion di su aspiracionnan pa un 2010 saludabel, bendiciona pa un union fuerte y pensamento conecta.   

   E ekipo culinario na Chez Mathilde a presenta un menu excelente consistiendo di e conocido specialidadnan di cas, cuminsando cu Salada di Pecho di Pato of Sopi di Batata y Konoflok, cu un sherbet refrescante di fruta sirbi entre e platonan, y Tournedos Béarnaise of Pan Seared Grouper Filet como e platonan principal, sigui pa fruta fresco y  Champagne Sabayon combina cu Coconut Ice Cream como e pasaboca.

PricewaterhouseCoopers ta provee asegurancia enfoca riba e industria, servicionan di impuesto y conseho pa crea confianza publico y aumenta balor pa nan clientenan y nan accionistanan.

- Advertisement -

DUNA COMENTARIO

Please enter your comment!
Please enter your name here