Home General Festival Dande Lo Bira Hopi Grandi Mes

Festival Dande Lo Bira Hopi Grandi Mes

1
0
SHARE
- Advertisement -

Interes pa tur categoria ta riba 10 cancion

Bruno Kololman 2ORANJESTAD (AAN): Matutino DIARIO a haya sa, cu e di 36 festival di Dande ta priminti di bira esun di mas grandi den su historia si mira e interes di e agrupacionnan musical, compositor, arreglista y cantantenan den tur e categoria di e festival.

   Manera ta conoci e anochi grandi di e Festival lo ta Diasabra Segundo Pasco (dia 26 di december) den Club Sport Boys na Angochi.

  E interes ta hopi grandi pa loke ta e festival tumba di aña nobo, un total di 17 tumba a ser inscribi den su prome salida.

  Diferente compositor, arreglista y cantante conoci den mundo di farandula lo ta den e festival aki. Palabra di elogio so por a tende den e dianan aki cu porfin Aruba lo bay conoce tumba pa aña nobo.

   Pa  loke ta e festival di Dande tin un total di 18 agrupacion cu 48 dande, parti den 15 dama y 33 caballero, Festival Tipico lo tin 18 cancion, festival propio composicion tin 10 cancion.

Agrupacionnan: Los Hermanos, Grupo Uni, Los Sobrinitos, Prive, Streanan di W.E.B.

Frank Croes y su Tipico Pegasaya, Robert Maduro y su Alma Folklorico, Tipico Madoe, Tipico Perla, Grupo La Bomba, Tipico Alegre Kadushi Largo, Next Level,  Tico y su Estreyanan, Grupo Alegre Noord, Tipico Macuarima, Tipico Coral, Tipico Arubano, y Paranda Ta Nos.

Interes ta grandi y ta keda di spera pa Diasabra 26 di December pa e grandioso fiesta di fin di aña cu 5 festival den un solo anochi.

- Advertisement -

DUNA COMENTARIO

Please enter your comment!
Please enter your name here