Home Economia Gabinete Mike Eman-1 Cumpliendo Cu Eliminacion Di Bbo Den Su Prome...

Gabinete Mike Eman-1 Cumpliendo Cu Eliminacion Di Bbo Den Su Prome Fase!

6
2
SHARE
- Advertisement -

bbo1ORANJESTAD (AAN) – Ayera, banda di 10.30’ or di mainta, Minister Presidente mr. Mike Eman, a entrega e ley pa eliminacion di BBO den dos fase, den man di Presidente di Parlamento, drs. Andy Lee. Awor Parlamento ta bay traha riba kitamento di e prome 1.5%.

Esaki a sosode den Sala di Parlamento, den presencia di seis di e ministernan di Gabinete Mike Eman 1, y logicamente, prensa tabata tey tambe.

Premier mr. Eman a hiba palabra y a bisa cu e momento aki ta hopi importante pasobra ta trata di e cumplimento di un compromiso, cual ta bay traduci su mes den cambionan hopi grandi pa nos pais, den aña 2010.

El a sigui pa haci e entrega oficial di e ley pa reduci e impuesto di BBO di 3% na 1.5% na Presidente di Parlamento, y el a duna di conoce cu for di Diasabra caba e ley a bay Staten, pero nan a prefera pa haci e ceremonia oficial aki ayera, durante e conferencia semanal di prensa.

Esaki ta e prome fase y e di dos parti cu ta e eliminacion di e otro 1.% lo tuma lugar na final di aña 2010. Den e toelichting riba e ley, gobierno ta splica kico ta importante den e cambionan di ley aki, kico ta su meta, cu primordialmente ta alivia e poder di compra pa nos pueblo, y na mesun momento percura pa e gastonan cu e empresanan a core cune, worde reduci.

Di e manera aki banda di mehora e poder di compra lo duna un impulso na nos economia, segun e mandatario a bisa cu enfasis.

bbo

Aworaki e ley ta den man di Parlamento, y Premier Eman a subraya cu mirando e eficiencia cu cual e Presidente di Staten a traha prome cu fin di aña e ley aki por worde trata, e tin hopi confianza cu e lo bin na vigor na tempo.

E dignatario a subraya cu e tin entendi for di Departamento di Impuesto cu nan ta cla caba pa cuminza efectua e proceso necesario pa ehecuta e cambio aki.

- Advertisement -

2 COMMENTS

  1. Loke ta haci falta den e articulo aki ta pa splica con e gobierno ta planea di handle e defecit di budget cu lo resulta di kita e BBO. Of sikiera pa mustra cua belasting si gobierno ta planea di subi, ya cu nan kier kita BBO.
    E articulo ta incompleto y ta mustra un banda di e storia so. Esey ta hopi jammer.

  2. Na nos gobierno actual,un pabien cu a logra kita un parti di e BBO,sperando cu lo bini un splicacion transparente con gobierno a logra esaki,Aruba sigi padilanti.

DUNA COMENTARIO

Please enter your comment!
Please enter your name here