Home General Gobierno a pidi e companianan di utilidad pa no corta servicio di...

Gobierno a pidi e companianan di utilidad pa no corta servicio di awa y coriente na the Aruban Resort

0
0
SHARE
- Advertisement -

mikeemanProme Minister a pidi un plazo di 48 ora pa e compania por haci pago
Si e hotel no cumpli cu pago por corta e awa y coriente numa!
ORANJESTAD (AAN): E situacion na The Aruban Resort ta preocupante. E gobierno nobo a sinta y haya nan mes confronta cu e problema aki. E situacion ta hopi serio segun prome minister Mike Eman. E gobierno aki kier evita cu situacionnan di pasado ripiti su mes. E minister di turismo a bin cu un comision encabeza pa abogado mr Ronnie Wix pa encarga su mes riba e situacion real di e hotel.
Elmar a bay pa corte coriente y WEB a bay corta awa pero gobierno a pidi e dos companianan pa wanta e cortamento un rato pa 48 ora.

Den entrevista cu Prome Minister el a bisa cu na e hotel aki tin un cantidad grandi di trahadornan pero tambe turista cu ta keda na e hotel caminda e ocupacion na e momentonan aki ta 40%.
E mesun momento tambe tin un cantidad grandi di persona cu tin share den e hotel aki locual ta un situacion serio pa un hotel asina cera.

A indica cu Minister Otmar Oduber a pone e comision traha aunke gobierno no ta directamente envolvi, pero conociendo historia di situacionnan similar cu tarde of tempran hotelnan asina ta bira situacionnan cu gobierno tin cu atende cune.

Anticipando riba cualkier problema minister di turismo a instala e comision aki encabeza pa Mr. Wix pa mira tur e situacionnan cu por surgi y unda gobierno por anticipa y tuma pasonan cu por cambia e direccion di e hotel aki den uno positivo, a bisa.

Gobierno a ser poni na altura cu net durante e dia cu e trahadornan tabata spera cu nan lo worde paga, cu Elmar y Web pa motibo di falta di pago y cu deadline a worde duna y e hotel no a cumpli, cu Diahuebs e companianan di utilidad a cuminza tuma e pasonan pa cera nan servicio di awa y coriente.

Minister Presidente Eman mes a tuma contacto cu e companianan aki pa asina extende e plazo pa 48 ora pa asina e compania no cera e hotel su awa y electricidad y causa cu e empleadonan no ta haya nan pago como tambe un situacion hopi negativo pa turismo di Aruba.

E ora ey, si e hotel no cumpli cu pago por corta e awa y coriente numa. Gobierno no ta directamente envolvi. Pa motibo di interes general gobierno ta tuma paso y purba guia e proceso pa nada bay robez.

Aparentemente tin un interesado di un cadena grandi den e hotel pero mester drecha cierto situacion financiero prome y djey e interesado lo sigui atende e asunto aki segun prome minister Mike Eman.

- Advertisement -

DUNA COMENTARIO

Please enter your comment!
Please enter your name here