Home Economia Gobierno Kier Duna Pueblo Un Espacio Bek Pa Hala Rosea

Gobierno Kier Duna Pueblo Un Espacio Bek Pa Hala Rosea

0
0
SHARE
- Advertisement -

metaORANJESTAD (AAN) – Despues di e entrega di e “Landsverordening tot wijzing van de landsveordening belasting op bedrijfsomzetten” na Presidente di Parlamento drs. Andy Lee, a sigui pa un conferencia di prensa, den cual Prome Minister mr. Mike Eman a papia tocante e nificacion di esaki.

E mandatario a splica cu un par di siman pasa e cambio den ley aki a bay na Raad van Advies y siman pasa gobierno a haya nan reaccion.

Riba e reaccion aki tambe gobierno a duna su comentario y e combinacion di e ley aki, cu su toelichting, conseho di RvA y reaccion y comentarionan di gobierno riba e consehonan di Raad van Advies, diasabra cu a pasa e ley a worde entrega na Parlamento y ayera mainta simbolicamente na man di Presidente di Staten.

E mandatario a reitera cu asina aki gobierno ta refleha su compromiso haci cu comunidad durante e ultimo añanan.

“ Nos comunidad a bay baricada na momento cu e BBO a worde imponi riba dje. Tabata tin un preocupacion hopi grandi pa cu e efectonan inflacionario cu e BBO lo a bay tin riba prijs den nos pais, pero e efectonan aki, na mi parecer, no a worde tuma na cuenta y e resultado ta bon conoci”, e dignatario a subraya.

E mandatario a agrega cu dos aña tras di otro nos comunidad a conoce un inflacion, asina yama “doble digit” riba 10%.

Mirando kico e efectonan di esaki tabata riba e poder di compra di nos conciudadanonan como tambe riba e gastonan di e empresanan local, cu tabata hopi enorme y hopi negativo, basa riba pensamentonan cu ya caba e signatura awe na mando, cu den parlamento a entrega dos presupuesto alternativo den cual ta fundamental tambe e cambionan cu nan kier pa e maneho di nos pais, entre nan tin e decision pa duna pueblo bek un espacio y rosea pa por logra un existencia mas husto.

Asina e dignatario a menciona, y a bisa cu den e cuadro aki, durante e prome simannan di gobernacion caba, nan a tuma decisionnan importante y un di nan ta e ley cu oficialmente a worde entrega na Presidente Staten ayera, unda cu ta reduci BBO den su prome fase y esun di dos lo ta na final di 2010, pa entrante 1 Januari 2011 BBO lo no existi mas.

- Advertisement -

DUNA COMENTARIO

Please enter your comment!
Please enter your name here