Home Policial Henter Famia A Hera Kima Den Cas Na Tarabana Diasabra Marduga

Henter Famia A Hera Kima Den Cas Na Tarabana Diasabra Marduga

0
0
SHARE
- Advertisement -

candela12ORANJESTAD(AAN): Un yiu di 20 aña a cende cas na candela cu henter su famia aden den Timbalstraat.

Un famia a scapa di muri kima den Timbalstraat na man di e yiu adicto di 20 aña. Esaki no ta prome intento di e yiu.

E yiu aki yama Luis Werleman mihor conoci como Luigi.

El a cende e cas na candela den oranan di marduga pasobra e mama a nenga di dune un cigaria.

Pa hopi tempo e famia no por mas cu e hoben aki. Den camber di e mama el a bai.

E mama ta hende malo y ta bebe pildora y calmante. Tabata e tata cu a bin haya e camber di e mama na candela y mesora a cuminsa yuda saca e mama y alarma e demas miembronan di famia den cas. Bomberonan a presenta pero e cas a bay perdi pa 75%.

E pyroman mes a baha na awa despues di e caso aki.

Polis y recherche a tuma e keho.

E famia di Timbalstraat 7 awor ta sin dak y sin material den cas. Minister Arthur Dowers a pone su mes na altura di e caso aki y a bay over na pidi City Inspector pa un baki pa saca tur cos den cas benta pafor.

E mandatario mes a keda basta rato cerca e famia.

E doñonan di cas cu ta hende grandi a keda cu cabey te hasta kima pa e candela cu a caba cu nan cas.

E buskeda pa Luigi Werleman a sigui.

Bisiñanan a drenta den e mondinan pa busca su drechi.

Diasabra atardi a logra gare.

Aunke el a subi un container tog a tira man riba dje.

Den tres a wante te ora cu polis a yega y pone boei na su man. Bisiñanan eybanda tabata hopi contento cu awor Luigi ta bai tras di trali. Esaki no ta prome biaha cu e ta haci tipo di intentonan asina.

- Advertisement -

DUNA COMENTARIO

Please enter your comment!
Please enter your name here