Home Deporte Hoben Jasel (Osh) Lopez ganador “Christmas Rapid” chess tournament 2009.

Hoben Jasel (Osh) Lopez ganador “Christmas Rapid” chess tournament 2009.

0
0
SHARE
- Advertisement -

Ganadornan Christmas Rapid 2009ORANJESTAD(AAN)—Siman pasa a start e ultimo actividad di ajedrez pa anja 2009. Esaki tawata un Rapid Chess Tournament “Christmas Rapid”
E promer siman, 4 rond a wordo hunga y ajera anochi 3 rond.

 


Un total di 16 participante a hunga den e torneo aki.

Despues di e promer 4 rond, Osh tawata invicto cu 4 wega hunga y 4 gana.
Ajera rond 5, 6 y 7 a wordo hunga.

Osh a gana un wega y empata e dos otro weganan.
Cu e resultado aki, Osh a bira kampion di e promer “Chrismas Rapid Chess Tournament”.

Despues di e promer 4 rond, tawata tin 4 participante empata na di dos lugar. Nan ta Enrique Jacopucci, Rigoberto Tromp, Ahmid Juddan y Octavio Croes.

Enrique y Octavio a perde un wega so den e ultimo 3 rond. Cu e resultado aki, Enrique y Octavio a termina empata na segundo lugar.

Pa kibra e empate, nos ta conta e punto di resistencia, Esaki ta e punto cu e contrincantenan a score den e torneo aki.

Di e manera aki, Enrique Jacopucci a termina na segundo lugar y Octavio Croes na tercer lugar.

E ganadornan a ricibi un macuto di pasco como premio.
Cu esaki tambe Federashon di ajedrez di Aruba a sera su actividadnan pa anja 2009.

Otro anja nos lo start atrobe dia 7 di Januari cu un warmup pa e siguiente torneo cu ta Kampionato di club pa anja 2010. E torneo aki lo start dia 14 di Januari.

- Advertisement -

DUNA COMENTARIO

Please enter your comment!
Please enter your name here