Home Deporte Jean Carlo Ras a gana e ultimo careda di Aruba Wieler Bond...

Jean Carlo Ras a gana e ultimo careda di Aruba Wieler Bond pa 2009

3
0
SHARE
- Advertisement -

ciclismo1ORANJESTAD (AAN) — Diadomingo mainta a tuma lugar e ultimo careda pa aña 2009, y esaki tabata un careda di mountain bike cual a ser organisa pa Aruba Wieler Bond. E careda a tuma lugar na e ruta di Barcadera, patras di veld di Dragon Hitters. E asistencia no tabata manera cu organisador nan a spera, pero mester bisa si cu esun nan cu a bin participa, si e competi bon y tambe a diberti un poco ya cu tabata e ultimo careda pa e aña aki. Prome careda e mainta ey a tuma lugar den categoria di mucha.

E categoria nan cu a participa ta como lo siguiente: Cat. Mucha Homber 4, Cat. Mucha Muher 4, Cat. Mucha Homber 3, Cat. Mucha Muher 3, Cat. Mucha Homber 2 y tambe Mucha Muher 2. En total 8 participante a competi contra di otro den diferente categoria.

Ganador den categoria mucha homber 4 a resulta Gershon Irausquin di CCB, kende a bai laga su contricante Christian Arends tambe di CCB pa 51 seconde atrás. Despues cu e categoria aki a termina, a sigui cu e adulto nan y den categoria di Elite e ganador a resulta Jean Carlo Ras di TCC. Ganador den Sub-Master a resulta Lucien Dirks di ACT, y den categoria di Master a resulta ganador Alex Tromp di CCB.

DIARIO Deportivo kier a haci uso di e oportunidad aki pa felicita e ganador nan di e ultimo careda pa 2009. Tambe kier a gradici AWB pa e cooperación durante di 2009 y spera cu por sigui cu e mesun bon cooperación pa e proximo aña.

- Advertisement -

DUNA COMENTARIO

Please enter your comment!
Please enter your name here