Diario Online

Ley di BBO tabata uno devastador pa Pueblo.

Publication: Diahuebs, 31 December 2009. Categoria: General

Segun Parlamentario Melvin Tromp

ORANJESTAD (AAN); Segun Melvin Tromp di AVP, Aruba a conoce un cambio ariba tereno politico caminda cu e pueblo a rechasa un gobierno cu pa ocho aña a percura pa perhudica interesnan general di e pueblo aki cu a haci tambe cu pais aruba a conoce un impacto negativo ariba tereno social pa e tantisimo problemanan cu a worde crea den nos comunidad muy en particular ora tabata toca e tema di e ley di BBO.

   Gobernantenan awe formando parti di e gabinete di Mike Eman 1 cargando responsabilidad a mustra interes pa saca aruba for di e crisis social economico-financiero den un forma rapido door di crea oportunidadnan pa un crecemento ariba e tema aki pero mester ta di un indole duradero cu lo stimula iniciativanan economico nobo pa nos pais hacieno asina cu e gobierno lo tin un compromiso serio cu e pueblo creando pa crea oportunidadnan nobo door di duna espacio financiero back na e pueblo cumpliendo cu un compromiso cu e gobierno aki a haci cu e pueblo.

   Awe ainda tin politiconan di e fraccion mas grandi den oposicion cu kier bin haci como sifuera cu ta nan so ta carga cabez cu un celebro aden pensando cu nan lo por tapa e desaster cu nan gobierno a crea pa e pueblo for di momento cu a implementa e ley di BBO cu a haci cu bida di mayoria di nos hendenan a bira un bida impagabel y ainda nos kier bin busca moda di troce e berdad cu si reduci e porcentahe di BBO cu esaki lo no benificia pueblo pero mas bien e comerciantenan un expresion descabeya.

   Si awor ainda miembronan di fraccion di MEP kier trece informacionnan eroneo cu for di 2007 ya caba gobierno di MEP lo tabata tin un concepto di ley pa elemina BBO anto pregunta lo tabata pakico no a hacie anto, pakico diripiente a reconoce cu e ley di BBO no tabata amigabel pa loke ta regarda nos pueblo of esaki tambe mester tabata un punto di diferencia di opinion di e gobierno di MEP y a opta pa tene esaki tambe un secreto den e gobierno anterior mientras cu e pueblo aki tabata sclama pa un solucion mas rapido.

   MIHOR CONTROL:  Reduccion di BBO lo ta abase di un programa di seriedad cu lo mester ta di un maneho basa ariba seriedad y cu un determinacion cu lo benificia un y tur ariba e pida baranca aki pasobra atrobe nos por a tuma nota cu despues cu e gobierno di MEP a haya e peor derota desde nan existencia como un partido politico.

   AVP  a tuma nota cu hopi di nan a cuminsa dal bueltanan raro expresando cu nan lo bay elemina BBO por completo y  awor otronan ta preocupa ta di unda ta bay recobra e cifra di 76 miyon Florin cu gobierno si no a opta pa elemina e BBO mustrando asina cu den man di MEP pueblo hamas a mira un reduccion pero si un redoblacion di 6 % acumulativo cu a bira un desaster pa Aruba.