Home General Minister di Husticia kier resultadonan lihe di investigacion na Warda Nos Costa

Minister di Husticia kier resultadonan lihe di investigacion na Warda Nos Costa

2
1
SHARE
- Advertisement -

arthurdowersSancion pa esnan responsable cu control di arma:
ORANJESTAD (AAN) – Manera ta conoci, na Warda Nos Costa, tin dos arma masha potente cu a disparce. Ta trata aki di dos arma largo y automatico cu e personal tabata uza ora di vigila y cuida nos costanan. For di diabierna e armanan aki a somenta y te diadomingo, aparentemente, a duna e voz di alarma. Tin indicacion cu un suspension a cay den e departamento y den entrevista cu mr. Arthur Dowers, Minister di Husticia, el a confirma esaki.
“ Dialuna mainta a worde constata cu dos arma a disparce for di WNC y nos a papia den forma extenso cu e hefe di e departamento aki, pa haya un splicacion con esaki a tuma lugar y con el a worde registra.

“ E informacion cu nos a haya te na e momentonan aki ta cu no tin claridad con esaki a tuma lugar y cu tin un investigacion profundo. E ora ey mi a pidi Officier van Justitie pa e encarga Landsrecherche, cu na momento cu mi a conversa cune ya caba tabata envolvi, pero pa en todo caso pa percura pa tin hopi personal, pa den un forma hopi lihe, den cuestion di oranan nos por haya claridad con por ta posible cu e dos armanan aki a disparce”, e dignatario a subraya.

E titular ta lamenta cu den un departamento di Husticia di cual ta spera cu tin un seriedad hopi grandi pa loke ta trata arma, y mas di e calibre di esnan cu ta riba caya na e momentonan aki, cu lo tabata tin un proceso cu ta garantiza cu armanan no por perde, y si acaso mes un hende saca un arma, nan por realiza esey. Pero esey no ta e caso, e dignatario a bisa, y pa tal motibo investigacion ta continuando e momentonan aki.

“ A keda palabra tambe cu lo tuma medida disciplinario contra e personanan cu ta responsable. Na e momentonan aki mi ta wardando pa haya un parti di e informacion di e hefe kico ta e ultimo desaroyonan pa loke ta e caso aki.

“ Mi tin cu bisa si cu nos lo bay tuma pasonan hopi estricto pa loke ta trata tur departamento di husticia, pa garantiza nan integridad keda sigura, y e hecho cu na e momentonan aki tin personanan cu, di un of otro manera, a laga armanan disparce sin cu nan, na un forma hopi lihe, por a controla esaki, lo mester tin consecuencia.

“ Mi por confirma cu en todo caso, tabata tin intencion pa suspension tuma lugar. Mi no a worde informa awe mainta, pero mi ta supone cu e suspension a sosode tambe”, e dignatario a informa.

- Advertisement -

1 COMMENT

  1. Esaki ta e cosecha putri di e corrupto mentiroso Nel Orlando Oduber (MEP) cu ta biba den Nayostraat Ponton y di su domoor Rudy Croes ex minister di Inhustica y Corrupshon, mihor conoci como Rudygate e borache stinki cu a laga kap su mannan pa e “STOP” corrupshon y ni asina Corrupshon no kier lage!

    Atte.
    carlos Severino Tromp

DUNA COMENTARIO

Please enter your comment!
Please enter your name here