Home Politica Minister Richard Visser a logra manda e prome 12 adictonan pa Republica...

Minister Richard Visser a logra manda e prome 12 adictonan pa Republica Dominicana

4
2
SHARE
- Advertisement -

avprichardvisserDen un tempo record
Den un esfuerso cu diferente instancia gubernamental y priva

ORANJESTAD (AAN): “Tin hende a bisa nos na un principio cu nos lo no logra, pero aki a keda demostra cu si e boluntad tey, tur cos ta posibel. Nos no ta cla ainda, pero por lo menos e trein a cuminsa core”, asina Minister di Salubridad Publico y Deporte, Dr. Richard Visser a enfatisa despues di a caba di spacha e prome 12 adictonan pa Republica Dominicana. Na un principio a purba di manda 14 adicto, pero ultimo ora 2 adicto a prefera di no bay.

Y como cu e proceso aki ta voluntario, no por forsa ningun hende pa cana e caminda di rehabilitacion tampoco.

Ta trata aki di un proyecto cu a cuminsa desde formacion di e Gobierno nobo aki caba. For di tempo di campaña partido AVP a bisa di lo sera e shelter asina cu nan drenta Gobierno. Esaki a sosode diabierna tambe y e adictonan eyden por a scohe entre bay Centro Dakota, Centro Colorado of na fundacion Eslevier.

Esnan cu a scohe pa bay rehabilita na Republica Dominicana a bay KIA pa un dia na unda cu Crus Cora a percura pa nan haya panja y maleta pa por a biaha cune. Diasabra mainta e prome grupo di 12 adicto a sali pa busca e caminda corecto di rehabilitacion. Un di dos grupo lo sali otro siman atrobe.

E motibo di con nan no por a sali hunto ta pasobra cu varios di nan no tabatin ni paspoort. Checkpoint Color a haci un donacion den forma di saca nan potretnan gratis pa nan paspoort. Asina varios departamento a duna nan cooperacion pa por haci e proyecto aki posibel.

Gobierno ta spera di manda por lo menos 30 adicto e aña aki ainda. E proceso aki ta completamente voluntario. “Pero mi mester admiti cu el a causa hopi papiamento cu nan. Den algun caso mi mes a papia cu algun di nan pa mi siguranan cu tin un otro bida ta spera nan, pero cu nan mester sobrepasa e reto di adiccion prome.

Mi sa cu e no ta facil, pero ta solamente si nos tur duna un tiki di nos banda, cu nos por logra soluciona e problema di adictonan riba caya”, asina Minister dr. Richard Visser a enfatisa.

E mandatario a bisa cu aunke e ta na cabes di e proyecto aki, cu e no por bisa cu ta su so a realisa e trabao. Pa cuminsa ta henter Conseho di ministronan ta poniendo schouder bou di e proyecto, pasobra adiccion ta toca tur Ministerio.

Fuera di Gobierno ta un sin fin di departamento mester a sinta na mesa cu otro pa por pusha e proyecto, y sin lubida di sector priva cu tambe a yuda den e trabaonan. Separa di e grupo aki, Gobierno di Aruba a conta co e sosten incondicional di Consulado General di Republica Dominicana na Aruba, kende mesora a duna un man den regla tur aspecto diplomatico den un forma rapido pa asina e adictonan por a biaha diasabra ultimo.

Tin varios scenario ta keda awor pa esnan cu a keda atras. Nan mes por busca caminda di rehabilitacion na Aruba den un centro di rehabilitacion, of Gobierno lo cuminsa cana e caminda di pone nan bou di curatela.

E proceso aki lo cuminsa cana liher, e aña aki ainda. “Nos a sinta cu Corte Comun di Husticia, cu Procurador General y otro instancianan oficial pa yuda nos pa e proceso di pone un adicto bou di curatela por cana mas liher.

E bon ta cu tur hende kier coopera cu nos, tur hende ta conciente cu e problema aki ta serio y ta afecta nos tur” di acuerdo cu Minister dr. Richard Visser. Esnan cu ta candidato pa bay bou curatela ta esnan cu ta percurando pa 80% di e molester den centro di ciudad, hopi di nan tin mas cu un problema.

Aki por mira Minister dr. Richard Visser hunto cu e adictonan na KIA na nan salida y despues na aeropuerto prome cu nan a subi avion pa Republica Dominicana.

- Advertisement -

2 COMMENTS

  1. Masha danki dr Visser.
    Awor Gobierno ta juda nos adictonan y nos comunidad. Placa ta wordu bon usa y no pa yena saco di F&F. Centro di San Nicolaas y Playa lo sinti e efecto positivo pronto.
    Sra Wever, bo por ta contra pa yui di mama haya tratamento pa libra di e maldito droga of por ta bo ta prefera pa HOPI placa bai pa un edificio den mal condishon y ta benificia UN famia?
    Laga politiek afo y traha pa pueblo.

  2. Danki minister visser di cumpli cu boso promesa diyuda e adictonan den nan rehabilitacion.tambe corda awo cu tin hopi mucha malo na aruba cu mester ayudo entre otro(autismo,problema di alcohol y droga)nos hendenan grandi cu tambe mester di un man nan tambe ta pari di aruba

DUNA COMENTARIO

Please enter your comment!
Please enter your name here