Home Politica Monica Kock a anuncia su retiro di partido MPA

Monica Kock a anuncia su retiro di partido MPA

26
2
SHARE
- Advertisement -

monicaResultado di eleccion a pone pensa riba su carera politico…
ORANJESTAD (AAN): Ayera mainta, ex-parlamentario Monica Kock a convoca un rueda di prensa pa asina duna un aviso importante cu tin di haber cu su carera politico. El a manifesta cu despues di eleccion el a haya un chens di pensa tocante su bida y e reflexion ey a resulta den e decision di retira como lider di Partido MPA. E ta wak esaki como un decision personal. Semper su decisionnan den bida tabata como politico, como lider di MPA y semper teniendo cuenta e parti personal. Pesey el a dicidi cu e kier dedica mas na su persona.
Esaki kiermen, a enfatiza cu e ta back den su oficina di abogado. A agrega cu nan lo bay muda y ta bay dedica completamente na esey. “Mi kier duna mas tempo na mi yiunan (…) Den tur e tempo cu mi no tabata tey, mi tin cu bisa cu mi ta bendiciona cu dos yiu hopi bon mucha, pero tambe e momento ey bo tin cu pensa balanza bo cosnan”.

El a tuma e decision aki pa tog tin mas tempo pa su yiunan, a subraya. E no ta un decision facil pa tuma pasobra den esey el a lanta e partido, nan a traha e vision y tin hopi hende envolvi cu tambe ta kere den loke nan a lanta hunto, a bisa.

E parti mas duro cu tabata den su pensamento tabata e hendenan cu a vota pe. E ta sinti cu tog ta laga nan na caya pasobra nan a mustra confianza den su persona.

E resultado di eleccion a pone confronta cu un caminda na un cruzada na unda e tin cu dicidi cual di nan e ta tuma. “E biaha aki mi a tuma net e caminda cu normalmente nunca mi a tuma. Semper mi a sigui cana riba e caminda di politica, pero na e momento aki mi kier tuma e otro caminda”, a expresa.

A señala cu e ta pensa tambe riba e otro hendenan den e partido y ki consecuencia ta pa e partido. Su responsabilidad den e parti ey semper ta keda cu tur cos ta bin na di dos lugar.
E kier haya oportunidad pa retonan nobo. A indica cu prome cu el a drenta den politica e tabata presidente di diferente fundacion. E ta bay ta activo pero den diferente otro rol. Su pensamento pa loke e partido ta para pe ainda ta cerca dje, a manifesta.

Pa loke ta e futuro di partido MPA, a bisa cu el a ripara cu e hendenan cu tabata riba lista, e candidatonan, nan ta mescos cune.

E ta kere cu nan por carga e partido. “E tempo a yega cu e hendenan aki por fin ta bay haya e atencion tambe cu nan no por a haya door di cu ami tabata tey. Nan tin e mesun ideologia cu mi. MPA di e parti ey, su pensamento, su vision, kico e partido ta para pe, esey no a cambia pasobra e hendenan den dje ta mesun cos cu mi persona ta”.

E partido mester tuma su tempo awor y nan lo wak cu un lider lo lanta para pa bringa pa tur locual el a bringa tur e tempo aki, a expresa. “E lo hacie mihor cu mi”. E ta no ta mira esaki como e fin di MPA. E ta mire como un tempo di transicion na unda e partido lo cambia.

Pa loke ta e proximo lider, a laga sa cu e decision ey no a wordo tuma ainda. Partido MPA awor tin cu wak cierto situacionnan cu nan tin como agrupacion politico. Cu tempo un hende lo tuma e paso ey.

No ta prudente pa core tuma e decision ey. E persona cu bira lider di partido MPA mester hacie boluntariamente cu mil amor. Si tuma e decision awor e ta kere cu un hende lo bisa cu e ta sinti cu e tin cu hacie pasobra mester tin un lider, a manifesta.

Pa un periodo e partido por ta sin un lider. Nan tin un directiva y e partido por funciona sin un lider pa un periodo. Esey ta e manera mas mihor pa e partido sigui bay na e momento aki, a declara.

- Advertisement -

2 COMMENTS

DUNA COMENTARIO

Please enter your comment!
Please enter your name here