Home Policial Mucha muher a sconde den plafon despues di discusion amoroso

Mucha muher a sconde den plafon despues di discusion amoroso

1
0
SHARE
- Advertisement -

Mama preocupa mester a yama polis
ORANJESTAD (AAN): Riba diasabra merdia pa ser exacto 2’or, a drenta informe na central di polis cu ta solicita presencia di polis na Adolf van Nassaustraat. E yamada a worde haci pa un mama preocupa y el a reporta cu su yiu muher a bay sconde den plafon pa basta rato. Patruya a presenta mesora y a pidi presencia di brandweer y tambe di ambulans.  Polis enberdad a constata cu e mucha muher ta den plafon y ni pa nada di mundo e mucha no kier baha for di plafon.
Parce segun e informe policial e mucha muher di 22 aña, lo tin problema amoroso y tabata tin discusion. Finalmente cu e mucha muher a dicidi di bay sconde den plafon por cierto den e plafon lo tin basta stof.  Consecuentemente e mucha muher a confronta problema cu halamento rosea.

Finalmente cu yudanza di personal di brandweer, polis a logra saca e mucha muher for di plafon.
Personal di ambulans a percura pa transporta e mucha muher rumbo hospital pa e ricibi tratamento necesario.

Aparentemente su condicion tabata stabil y awor lo tin cu bay atente e problema amoroso cu lo a origina e drama.

- Advertisement -

DUNA COMENTARIO

Please enter your comment!
Please enter your name here