Home Policial Nada ainda di ex-detenido Colombiano cu a huy

Nada ainda di ex-detenido Colombiano cu a huy

0
0
SHARE
- Advertisement -

ORANJESTAD (AAN): Siman pasa, e huymento espectacular di un ex detenido bao supervision di e personal di Warda Nos Costa, a hala hopi reaccion. Pueblo ta bisa, cu e caso aki mester worde atende mas rapido possible. Un Cuerpo oficial cu a worde ‘kita sunu’ a haya un wowo blausa pa esaki. En corto nan no ta posee di arma aparentemente ni boei… y net nan a worde encarga pa transporta ex-detenido peligroso bek pa e worde deporta? El a caba di sinta su castigo relaciona cu atraco arma, y tabata den Weststraat e ora ey ta worde hiba na un barkito pa capitan coopera pa asina e regresa su pais Colombia.
Tur e esfuerzo aki ta relaciona cu lo costa casi of nada pa e worde transporta den e caso aki Colombia.

Awor e ex-detenido a logra di huy, ta cana rond los riba Aruba, y awe e isla ta sinta manera ta worde expresa na bon hulandes “Met de gebakken Peren”.

A costa mas placa , helicopter mester a lanta y yuda autoridad busca e ex detenido, polis y otro entidad tambe a sufri gastonan te awe y ta costa un dineral.

Di con a trata na lage bay bek cu lancha pa Colombia? Si a percura pa e aborda un avion comercial… kizas na final a sali e isla hopi mas barata.

Te cu ayera tardi autoridad no sa paradero y tampoco no tin ningun pista unda e ex detenido Javier Linate Chaux naci na Colombia riba 13 di mei 1974 ta scondi of individuo (nan) a ofrece lugar pa sconde.

Durante Javier ta encarcela den KIA e lo mester a sera amistad cu otro detenidonan, nan aparentemente lo por sa cu e minimo oportunidad cu presenta Javier lo probecha di huy.

Awor e pregunta grandi ta kende tin cu carga e responsabilidad di e locual a socede: Ministerio Publico, Warda nos Costa. of e minister? E ultimo tin di bay revoca e sistema pa ex detenido den e caso aki bandona Aruba via lancha.

E ex detenido tin un strafkaart el a comete acto serio riba teritorio Arubano, e tin cu worde entrega na autoridad di su pais natal Minister anterior a yega di bishita den e caso aki Colombia pa aparentemente delibera tocante esnan encarcela e tempo ey na Aruba, 8 aña a pasa te cu e minister no tey mas, nunca a logra concretiza su idea of su pensamento Pero awe keto bay nos ta sinta cu e problema.

- Advertisement -

DUNA COMENTARIO

Please enter your comment!
Please enter your name here