Home General Negoshi cu tereno tabata na ordo di dia den Gobierno anterior

Negoshi cu tereno tabata na ordo di dia den Gobierno anterior

112
3
SHARE
- Advertisement -

Ex Minister Marisol Lopez-Tromp mester responde pa su actonan!
ORANJESTAD (AAN): Masha hopi a wordo papia y comenta durante e ultimo añanan encuanto negoshi miyonario cu tabata wordo haci cu tereno di pueblo di Aruba. Ta diferente hende yega na e gobierno anterior tin cu a haya tereno den erfpacht, a traha un NV den pura y a bende esaki pa placa grandi na companianan di afor. Causando asina cu diferente partinan bunita di e isla aki awe ta den man di stranhero. Y tur a sosode cu e bendicion di e mandatario di e tempo ey sra. Lopez-Tromp.
Tur e asuntonan aki lo bay wordo investiga y na unda cosnan a bay contra ley, castigo severo lo wordo impone. Pueblo ta exigi esaki.

Tanto e ex Minister como esnan rond di dje mester cuminsa na responsabiliza nan mes pa loke a tuma lugar.

Ex Minister Marisol Lopez-Tromp ta parce di ta un di nan cu sin duda mester bay duna cuenta con el a parti tereno na su sponsornan. Tereno cu ta propiedad di e pueblo humilde aki. Un berguensa sin precedente tur esaki ta. Pero, Ministerio Publico cu tambe a wak y tende loke nos tur a wak y tende cu tabatin cosnan cu no a bay den forma corecto tampoco nunca a actua manera mester tabata.

Ta pesey mes cu Hulanda a expresa di tin dudanan grandi riba funcionamento y imparcialidad di e Procurador General. Djis un ehempel di e tantisimo casonan di negoshi cu tereno di pueblo.

Riba 16 di januari 2007 un dj cu ta traha pa e yiunan di sr. Morris Neme, esta un tal Theo Sanders, a pidi pa e haya un tereno banda di e hotelnan di 33.000 meter cuadra pa construi un hotel. Ningun dia un estudio a wordo haci riba e persona di Theo Sanders ni tampoco un estudio a wordo haci si mester di mas hotel na Aruba ni tampoco tabatin un business plan.

E carta cu e peticion di e tal dj Theo Sanders aki a yega cerca ex Minister Lopez-Tromp na luna di januari 2007 y ya na luna di februari 2007 sra. Lopez-Tromp ta manda un carta bek bisando cu e no tin “bezwaar” pa sr. Theo Sanders haya e tereno di 33.000 meter cuadra aki.

Esaki sin pidi conseho cerca ningun departamento di gobierno. No por ta otro cu tur hende cu tin dos placa di sinti mester saca afo cu aki ta un done deal henter e cos aki ta. Algo palabra di antemano cu e mandatario. Pero, warda cos a sigui.

Dia 28 di februari 2007 sr. Sjak Shie di DIP ta manda bisa ex Minister sra. Lopez-Tromp cu interes a wordo mustra. Kico esaki kier men, ta e so lo sa. E dj di e yiunan di sr. Neme esta sr. Theo Sanders no a entrega ningun Business Plan ni tampoco a duna muestra di tin un vision di loke realmente e tabata kier a haci cu un tereno di e magnitud aki.

E djis tabata kier e tereno y tanto sra. Minister como sr. Shak Shie a bisa di no tin bezwaar. Y asina e joncuman aki cu no tin diez placa den su saco riba 28 di februari 2007 ta haya e optie riba un tereno grandisimo cu ta propiedad di pueblo di sra. Lopez-Tromp ya cu no tabatin bezwaar y tambe conforme conseho di director di DIP.

Dj Sanders no tin placa pa desaroya e tereno. Despues cu dj Sanders a haya e optie riba un tereno dia 28 di februari 2007, e propio dj aki ta manda dia 10 di augustus 2007 un otro carta pa sr. Shak Shie den cual e ta skirbi cu e no tin placa pa desaroya e tereno pa construi un hotel y kier cambia su plan y bin eynan cu “mixed projects” y si pa haci esaki e por pasa e tereno pa Natura Developments.

Corda cu e tempo ey Natura Developments ni a wordo opgericht ainda!!! Minister nunca busca drechi tampoco pa sa of sea e tabata sa y a permiti pa cosnan asina a tuma lugar.

Despues ta bin resulta cu Natura Dev. ta di e yiunan di sr. Morris Neme, supuesto patrocinador miyonario di sra. Lopez-Tromp. Un tal Maurice Neme a paga pa e optie di e tereno. Un tutu completo. Y tur esaki cu e blessing di sra. Marisol Lopez-Tromp.

Despues di a pasa e tereno over pa Natura Dev., a pase despues pa Basiruti NV, otro NV di sr. Neme. Esaki a tuma lugar ainda na luna di October 2009, despues cu gobierno anterior a perde eleccion den forma mahos. Asina mes documentonan tabata wordo pasa y firma pa sra. Lopez-Tromp.

Awor ta parce cu e tereno aki ta na benta pa e balente suma di 14 miyon. E asunto aki no a caba ainda. Tin hopi mas pa sali afo. Esaki ta djis e capa di e iceberg.

Cu investigacion mester bin y e asuntonan mahos aki mester mira luz di dia pa pueblo un bes mas por huzga pa su mes y mandatarionan hunto cu nan directornan, manera den e caso aki sra. Lopez-Tromp y sr. Sjak Shie mester cuminsa duna cuenta na pueblo, ta algo di aplaudi.

- Advertisement -

3 COMMENTS

  1. Morris Neme tambe ta den gang di e corrupto ladronnan sin escrupolo di MEP!

    Morris Neme tambe ta un Corrupto ladron di MARCA REGISTRA y e tin di bai KIA (KORECTIE INSTITUUT ARUBA) pa refresca su memoria di complice di ladronicia di Patrimonio di Pueblo.

    Corrupshon,…Morris Neme, bon tin gevoel bo ta un sinberguenza corrupto mescos cu e mujer broedende kip Marisol Lopez Tromp MEP man sushi.

    Atte.
    carlos Severino Tromp

  2. MI TA REZA CU GOBIERNO POR STOP E COS AKI!!!!
    TIN UN PROBLEMA GRANDI NA ARUBA CU BENDEMENTO DI TERENO ERPACHT Y OTRO SORTO DI VERGUNNING CU GOBIERNO TA DUNA.
    NOS MESTER HACI PREGUNTA TAMBE TOCANTE EAGLE BEACH Y RODGERS BEACH.
    PUEBLO TIN CU WARDA POR LO MENOS 5 ANJA PA UN PIDA TERENO DI 300M CUADRA DEN MONDI Y F&F TIN VOORRANG TUR CAMINDA.

  3. Pueblo pidi pa juzga tur y si nan a haci un estafa
    pone turn den KIA. Tambe si Marisol Tromp tin culpabilidad haci cu e ta perde su pension cu gobierno. Ta pe sei Aruba a cambia asina hopi. Morris Neme ta un figura hopi “Oscure”. Gobierno mester hana e patrimonio di Aruba bek y tambe mester pone un demanda ariba esnan culpabel.

    Marisol Tromp mi tin cu bisa bo no tin un palabra cu mi por pone riba bo persona. Traidor grandi di bo pueblo. Envez di busca e bienestar di pueblo humilde bo a traiciona bo pueblo den bo interes so. Asina lo bo wordo recorda.

    Tico Suarez
    P.O. Box 863212
    Ridgewood, N.Y. 11386

DUNA COMENTARIO

Please enter your comment!
Please enter your name here