Home General Oficina di Elmar San Nicolas lo habri back den luna di januari

Oficina di Elmar San Nicolas lo habri back den luna di januari

3
0
SHARE
- Advertisement -

Director Robert Henriquez a duna di conoce:
Nunca tabata intension pa hinca contratista den e oficina aki!
ORANJESTAD (AAN): Na Elmar tabata tin conferencia di prensa unda a anuncia dos proyecto cu nan tabata tin pendiente. Robert Henriquez director di Elmar a splica cu nan lo bay habri back e servicio na San Nicolas manera a ser anuncia caba pa e minister encarga cu Utilidad, Ing. Mike de Meza. Elmar ta den preparacion y lo purba cuminsa duna servicio den Januari. Asina cu tin e fecha exacto Elmar lo anuncia esaki.
Banda di esaki Robert Henriquez a haci uso di oportunidad pa splica cu nan lo sigui promove e producto di SMS tambe.

A señala cu e dia cu e apertura lo sosode, lo tin e chens pa por inscribi specialmente pa e clientela di San Nicolas. E dia ey esnan cu inscribi lo haya un spaar lamp gratis for di Elmar.

E producto aki a resulta hopi exitoso na Hato, a laga sa. A mustra e director di Elmar cu algun luna pasa tabata tin intencion pa habri otro sucursalnan pa pago pa San Nicolas. Awor esaki a cambia y tog lo bay habri back Elmar na San Nicolas.

Segun Henriquez, e meta tabata pa mantene Elmar cera pa asina evalua si ta introduci mas localidad di pago pa Elmar. Esey ta algo cu lo wordo studia ainda y awor e prioridad ta pa habri oficina na San Nicolas cu nan mesun hendenan.

Elmar su meta ta pa duna mihor servicio, segun Robert Henriquez y e idea pa bin cu mas locacion ta riba mesa ainda.

E rumor cu tabata tin cu lo a hinca contratista den e oficina di Elmar San Nicolas, esey no ta berdad. “Nunca esey tabata nos intencion”, a bisa.

Semper nan a usa contratista electrico of cualkier otro. Nan ta haci uso di nan pero loke ta circula no ta asina ey, a enfatiza.

- Advertisement -

DUNA COMENTARIO

Please enter your comment!
Please enter your name here