Archivo di December, 2009
ORANJESTAD (AAN): Mescos cu hopi instancia, UNOCA tambe a para keto un rato y rek nek ariba e aña cu ta cerando su portanan. Locual a resalta mas den 2009 ta e sosten sincero y responsabel cu actividad-/eventonan cultural a ricibi di diferente instancia-, departamento- y/o schoolnan.
E concientisacion notabel aki UNOCA a considera uno hopi positivo ya cu cada actividad cultural-educativo a nifica un contribucion balioso y tabata un otro granito na formacion di comunidad. UNOCA sigur ta desea pa e desaroyo aki sigui den 2010 ya cu e desaroyo a lo largo lo contribui na desaroyo cultural-nacional di Aruba.
Banco Central resumiendo October…
ORANJESTAD (AAN): Riba Diaranzon, Banco Central di Aruba a conclui den su Relato Mensual, cu e cantidad di turista na Aruba a subi considerablemente den October 2009, registrando 63.252 bishitante, compara cu 58.956 bishitante na October 2008.
E subida a worde causa mas tanto door di bishitantenan di Merca y Venezuela.
Segun parlamentario René Herdé
ORANJESTAD(AAN): Parlamentario René “Baba” Herdé durante conferencia di prensa di fraccion di AVP a trece dilanti cu e argumentonan cu el a tende di ex gobernantenan cu awe ta den oposicion contra loke AVP ta haciendo, no ta otro cu argumentonan cu nan a nenga di scucha.
Nan a nenga di ehecuta esakinan y awe si nan ta presenta esakinan como argumentonan.
Un ehempel ta ora cu recientemente un miembro di e fraccion geel a bisa cu for di 2007 tin un proposicion di ley pa emilina e efecto cumulativo di e BBO.
ORANJESTAD (AAN): Cambio ta un proceso hopi grandi! Un proceso cu nos tur mester aporta na dije pa nos dushi Aruba. Cambio no ta un evento, pero cada paso mester ta; pa hunto nos logra e exito yena cu positivismo y critica constructivo.
Segun Lainda Kemp-Westerhof: “Danki na tur cu ta aporta y sostene mi y hunto mi lo sigui traha pa un mihor Aruba. Nada lo stop mi pa sigui lucha y traha cu cuerpo y alma pa mi isla. No laga negativismo o materialismo domina nos humildad. Pasenshi ta e ingrediente mas esencial pa nos exito y nos progreso.”
ORANJESTAD (AAN) – Diaranzon henter dia tur caminda tabata hopi druk. Specialmente, autonan di personanan cu ta haci compras den supermercado (turista y localnan) a yena completamente e stacionamentonan, y riba caya e trafico druk a mustra mescos cu den cualkier ciudad grandi.
Saliendo for di un negoshi den e mesun edificio di Oficina di Labor, ayera atardi un chofer femenino por poco a dal un peaton, cu na e momento ey tabata canando den e pida caminda small cu el a haya pa pasa.
Segun Parlamentario Melvin Tromp
ORANJESTAD (AAN); Segun Melvin Tromp di AVP, Aruba a conoce un cambio ariba tereno politico caminda cu e pueblo a rechasa un gobierno cu pa ocho aña a percura pa perhudica interesnan general di e pueblo aki cu a haci tambe cu pais aruba a conoce un impacto negativo ariba tereno social pa e tantisimo problemanan cu a worde crea den nos comunidad muy en particular ora tabata toca e tema di e ley di BBO.
Gobernantenan awe formando parti di e gabinete di Mike Eman 1 cargando responsabilidad a mustra interes pa saca aruba for di e crisis social economico-financiero den un forma rapido door di crea oportunidadnan pa un crecemento ariba e tema aki pero mester ta di un indole duradero cu lo stimula iniciativanan economico nobo pa nos pais hacieno asina cu e gobierno lo tin un compromiso serio cu e pueblo creando pa crea oportunidadnan nobo door di duna espacio financiero back na e pueblo cumpliendo cu un compromiso cu e gobierno aki a haci cu e pueblo.
Debi cu prijs di crudo a baha…
ORANJESTAD (AAN): Informacion di Hulanda, ta mustra cu e compania di electricidad Nuon, lo reduci entrante Januari e tarifa di coriente cu 23%.
Un vocero di e compania di electricadad, a laga sa cu e cobranza promedio di coriente pa 2010, lo ta como 86 Euro mas abao. Pa e consumidor, esaki nifica netto como 64 Euro.
ORANJESTAD (AAN): Pa bo haya nos mucha- y hobennan den movecion, y practica un bida saludabel, Aruba mester tin docentenan motiva. Y cu esaki den mente Aruba Bank a patronisa e aña aki e proyecto di Fundacion pa Nos Muchanan “Move cu Placer” (di e proyecto di Hulanda “Beweeg met Plezier”).
Aunke cu e proyecto ta papia di movecion, e ta siñabo tambe otro cosnan sano di bida.
ORANJESTAD(AAN): Naci riba 23 di Augustus 1959, Roberto Geerman a cuminza su carera como locutor di radio na 1979. Su tata Wilhelm Geerman, mihor conoci como Bill, tabata un persona bon conoci na San Nicolas. El a contribui atravez di su amor pa San Nicolas riba varios area.
Roberto a cuminza su carera na Radio Antillana y den corto tempo el a sigui e pasonan di su tata, participando na tur tipo di actividad y organizacion. Na 1979 el a cuminza e programa “Conteo di fin di Aña, cu awor ta worde considera un tradicion den comunidad Arubiano.
Segun Melvin Tromp
ORANJESTAD(AAN): Diaranzon parlamentario di AVP Melvin Tromp a splica cu ningun rato so tin intencion di bulldoze ley.
Tur hende sa kico e pueblo a biba cune ultimo ocho aña.
E pueblo a biba cu un gobierno cu actonan coruptivo. Tromp a splica cu ta poco di esnan den oposicion e por comunica cune.
Segun Andin Bikker
ORANJESTAD(AAN): Durante conferencia di prensa di PDR, lider di e fraccion parlamentario Andin Bikker a bisa cu un dolor grandi di pueblo ta cu ta tarda hopi prome cu e haya su placa di belasting back.
Constantemente pueblo ta bati na porta di e fundacion Pro Husticia di PDR, pa puntra kico nan por haci pa haya nan placa.
PDR a recauda mas di 5000 firma caba di personanan cu ta reclamando pa nan haya nan placa di belasting back, pasobra nan tin derecho riba dje.
Segun René Herdé
ORANJESTAD(AAN): Durante conferencia di prensa di fraccion di AVP, Parlamentario René Herdé a reacciona riba cierto comentarionan di parti di fraccion di MEP.
Segun Herdé, e politica oportunista di awe bisa un cos y mayan bisa otro, den oposicion of den Gobierno, ta loke ta haci cu politica ta haya mal nomber.
E ta haci cu hende no ta kere den politica.
ORANJESTAD(AAN): Durante conferencia di prensa di fraccion di AVP, Parlamentario René Herdé a trece dilanti cu un di e argumentonan di parti di fraccion di MEP cu ta critica e hecho cu AVP kier kita prome 1,5% di BBO y despues elimina, ta cu AVP no a presenta ningun rapport pa hustifica e bahamento di 1,5% di BBO.
AVP a presenta rapport prome cu introduccion di BBO.
E argumentonan uza den e rapport prome, ta valido te awe.
ORANJESTAD (AAN): Aruba Marriott ta cerando aña 2009 y habri aña 2010 cu un fabuloso NYE Beach Party na Tradewinds Beach. E fiesta aki lo cuminsa pa 10 PM – 1 AM di mainta. E banda OREO cu e famoso cantante Claudius Phillips lo sigura cu tur hende lo bay pasa hopi great na e fiesta aki.
Anja pasa e Beach party aki tabata un exito grandi y e aña aki ta promete di ta mas grandi ainda. E decorashon ta bay ta den man di Fernando Mansur di Mosaic cual lo segura un asombroso show di lus, un bar di champagna exclusivo cu decorashonan extravagante y creativo.
Certifica pa American Red Cross…
ORANJESTAD (AAN): Durante un fiesta special na Nos Cunucu Restaurant, empleadonan di Palm Island a festeha un evento special.
Esey ta debi cu cinco Lifeguard a worde certifica pa American Red Cross.
Pa prome biaha den 22 aña, De Palm Island porfin tin cinco lifeguard certifica pa American Red Cross, cu ta traha duro! Di e forma aki, e huespednan por sinti nan mes safe.
