Archivo di December, 2009
Parlamentario Lainda Kemp-Westerhof
ORANJESTAD (AAN): Segun Lainda Kemp-Westerhof di AVP, e introduccion di BBO tabata tin un impacto negativo riba nos comunidad. E momento cu el a worde introduci el a worde haci sin tene cuenta cu e pueblo, loke nan ta pensa, e consecuencia, y sin busca alternativa y solucion pa e efectonan negativo.
Eliminando e 1,5 % lo trece alivio riba e costo di bida di pueblo. Y eliminando e BBO den dos fase e ta duna e oportunidad di observa y monitor con e ta cana den 2010. Prome cu fin di aña 2010 lo elimina e otro 1,5%. Si nunca tuma e prome paso bo no lo nota e cambio. Pueblo a sclama e ultimo dos añanan cu nan no por mas. Y ta importante pa bisa cu pa nos den comparacion cu oposicion campaña y goberna ta mes cos, pueblo a scohe pa e cambio y pa nos programa di campaña y nos lo cumpli cune y cu hopi cos mas cu ta riba nos lista di prioridad.
Tur esnan cu ta traha mientras resto di pueblo ta celebra:
ORANJESTAD (AAN) — Laga nos haci un oracion aunke sea chikito pa duna Dios danki pa e cosnan bon y menos bon cu a sosode den nos bida, durante e aña cu ta yama nos ayo, y ban gradici Dios tambe pa e trabao di esnan cu no por goza cu nan famianan di e celebracion di cambio di aña, debi cu nan ta trahando.
Nos kiermen trahadornan di Hospital dr. Horacio Oduber, Cuerpo Policial, KIA, Douane, Brandweer, boluntarionan di Cruz Cora cu ta keda “stand by”, trahadornan di hotel y otronan cu nos por a lubida.
ORANJESTAD (AAN): Durante fin di siman, Holiday Inn Hotel a celebra hunto cu su empleadonan e cierre di aña 2009. Durante un almuerzo delicioso y cu animacion tremendo di Grupo di Betico, e empleadonan a goza di e bon cumina y bon musica.
A gradici tur empleadonan pa tur nan esfuerzonan durante e aña y e servicio duna na e huespednan.
ORANJESTAD (AAN): Nan a bin cu bon beis, cu ambiente festivo, y sigur cla pa brinda hunto.
Recientemente na Amazônia Churrasqueria, e staf di Rancho Daimari a reuni pa asina disfruta di un delicioso Cena di Pasco!
Nan a haya bon servicio di e waiternan cu tabata cana rond constantemente cu e delicioso cuminda.
Special como regalo pa e dianan di fiesta
ORANJESTAD (AAN): Okeanos SPA situa den Renaissance Mall ta masha popular awendia cerca nos localnan, banda di e turistanan cu ta encanta cu nan servicionan relahante y profesional cu ta ofrece diariamente na nan clientenan. Pa e temporada di fin di aña Okeanos Spa a introduci ofertanan masha special. Si abo kier malcria bo mes, bo amiga, casa of un otro ser stima, esaki ta e momento corecto pa mustra bo aprecio, amor, of bo agradecimento pa e cariño, amor of colaboracion ricibi durante henter 2009.
Gerencia di Okeanos Spa pensando riba e fechanan festivo aki caminda cu aki na Aruba ta custumbra di entrega regalo, a hinca un pakete den otro cu ta bira masha atractivo. Segun informacion cu Okeanos Spa a cuminsa divulga, e certificadonan di regalo atractivo pa e dianan di fiesta ta consisti di diferente tratamento y prijs tambe ta atractivo y ta cuadra cu e presupuestonan di awendia.
ORANJESTAD (AAN): E ekipo di oficina di PricewaterhouseCoopers a disfruta di un lunch special di Pasco na Chez Matilde Grand Old House Restaurant.
Partner Edsel Lopez a refleha riba e nificacion berdadero di e dianan di fiesta ora el a toca riba e aspecto religioso di e dia como tambe e componente social, treciendo hende hunto, den un estado di mente di pordon, amor pa otro y cariño.
ORANJESTAD (AAN): Dialuna anochi un grupo grandi di amigonan di colonia Portugues aki na Aruba a sera aña cu’n grandioso bus trip rand rand!! For di postkantoor na playa, caminda e grupo relativamente grandi y ameno a reuni, e bus bou tremendo guia di “Bob” di First Class Tours a sali 8’or di anochi pa haci nan recorido di Aruba su lugar nan bunita dorna cu luz den temporada di Pasco.
Na Tanki Leendert a haci un bishita n’e mini village dorna cu luz, a baha tambe na e parke na Warawara, y tambe locual a baha masha na ordo mes tabata e bishita na cas di famia Gomes da Silva, caminda un y tur por a gosa di bolo y cuki netamente Portugues, conosi como “Broas”!
ORANJESTAD (AAN): Recientemente gerencia staf y invitadonan special di Ponton Home & Hardware Center a goza di nan cena di Pasco na Amazonia. Aunque recien PHHC a habri su portanan, tur hende a traha asina duro pa e exito cu un cena di Pasco tabata na su luga. E ambiente tabata hopi bon y tur hende a goza di e cuminda y tremendo servicio di Amazonia.
Tambe e invitadonan special por a goza di un momento cu e staff cu nan ta traha cune tur dia den un ambiente tranquil pafor di trabao.
ORANJESTAD (AAN): A worde reporta diamars anochi na central di polis aleredor 7:30’or, cu den Ranchostraat lo tin pelea y e consecuencia tin hincamento a tuma lugar.
Patruya Oranjestad a worde dirigi pa atende mesora e caso. Polis na yegada a topa y atende e señora Colombiano inicialnan E.A.H. di 41aña. Segun declaracion di e señora na polis, cu e ta biba den mesun caya ariba menciona.
ORANJESTAD(AAN): Diaranzon parlamentario di PDR Andin Bikker a comenta riba e asunto unda cu lo tabata tin un carta den cual Valero a haci un oferta di paga 50 miyon di winstbelasting, cu e lo duna su tax holiday back y el a garantiza un inversion di 1 biyon y asina mas beneficio el a garantiza, pero basta e BBO riba exportacion e 1% pues, por worde kita.
ORANJESTAD (AAN): Un bunita gesto sin duda alguno, ta loke The Old Fisherman Seafood & Grill House a ofrece na Traimerdia Guia y Recreaccion Sonrisa.
Hunto cu algun lider, e muchanan special aki a yega y a worde bon ricibi pa gerencia di e restaurant, kende a ofrece un almuerzo special y unico pa nan.
ACCIDENTE APENAS DOS ORA DESPUES CU PASCO A CUMINZA
ORANJESTAD (AAN): Diabierna madruga, esta apenas dos ora y mey despues cu Pasco a cuminza, un accidente a keda registra riba e cruzada di Emmastraat y Koningstraat.
Aki un Mitsubishi Outlander color silver cu number A-47123 no a duna preferencia na un Chevrolet Avalanche color silver cu number A-18972.
Segun René Herdé,
ORANJESTAD(AAN): Diamars fraccion di AVP a tene un conferencia di prensa, relaciona cu algun ley cu mester wordo pasa ainda.
Rene Herdé a splica cu tin 3 ley cu Parlamento kier pasa den e ultimo dos dianan cu tin di e aña aki.
Ta trata e ley di reparticion di e Ministerionan, lo pasa un ley tambe pa formaliza e seguro di malesa pa pensionadonan di Gobierno y tin tambe ainda e famoso eliminacion di BBO.
Hiep hiep hoeraaa !!! Mjn dia prome di januari nos ta canta happy b-day pa Sharlinda Inacio cu ta cumpli un aña mas di bida. Pabien e ta haya di su mama i su ruman tambe di su subrina Shaylee. Special b-day e ta haya di su sis Shantal tambe di henter famia DANIA. Shar nos tur ta spera cu bo lo pasa un dushi riba bo dia den compania di henter bo famia. P.S. dianan ta cabando pa bo bay kikkerland back doeiii…
