Parlamentario Lainda Kemp- Westerhof ta desea Aruba henter un bon aña 2010
ORANJESTAD (AAN): Cambio ta un proceso hopi grandi! Un proceso cu nos tur mester aporta na dije pa nos dushi Aruba. Cambio no ta un evento, pero cada paso mester ta; pa hunto nos logra e exito yena cu positivismo y critica constructivo.
Segun Lainda Kemp-Westerhof: “Danki na tur cu ta aporta y sostene mi y hunto mi lo sigui traha pa un mihor Aruba. Nada lo stop mi pa sigui lucha y traha cu cuerpo y alma pa mi isla. No laga negativismo o materialismo domina nos humildad. Pasenshi ta e ingrediente mas esencial pa nos exito y nos progreso.”
El a finaliza bisando: “For di mi curazon ricibi un fuerte abrazo sincero y cu aña 2010 lo trece amor paz y trankilidad den cada hogar di nos dushi Aruba. Cu Dios todo poderoso bendishona cada un di boso ricamente. Ta e mas sincere deseo di boso amiga y parlamentario Lainda Kemp-Westerhof y famia.”
