Home General Prome Minister Mike Eman Ta Boga Pa Mas Control Preventivo Riba Careteranan

Prome Minister Mike Eman Ta Boga Pa Mas Control Preventivo Riba Careteranan

0
0
SHARE
- Advertisement -

ORANJESTAD, Aruba – 20 di December 2009: Den un esfuerso pa minimalisa e cantidad di desgracianan di auto y pa promove un mihor comportacion di automobilistanan den nos trafico, Prome Minister mr. Mike Eman a pidi mando policial pa percura pa mas presencia di polis riba nos careteranan. Specialmente den e dianan aki di hopi movecion riba caya, debi na e fiestanan di fin di anja.

 

Diasabra marduga a drenta informacion di un desgracia pisa riba Sasakiweg na unda tres persona a perde nan bida debi na trafico insigur na Aruba. Prome Minister mr. Mike Eman ta masha conmovi pa e ultimo desaroyonan den trafico y a bolbe haci un apelacion riba mando policial pa hisa e presencia di Polis riba careteranan.

 

E prome mandatario ta referi na e controlnan den trafico, pues patruyanan policial para na puntonan strategico pa demostra nan presencia cu nan lusnan sendi, etc. Den esaki a haci un peticion special pa usa e brigada motorisa di Polis riba nos careteranan, specialmente riba e camindanan grandi unda autonan tin e tendencia di core mas duro.

 

Diasabra anochi Minister Presidente mr. Mike Eman a move rond personalmente den su auto priva y a pasa bishita e polisnan cu tabata controlando banda di caminda. Ela gradici e polisnan pa nan extra esfuerso pa preveni mas accidente. Tambe Proe Minister Eman a expresa su deseo na e polisnan pa mira mas di e tipo di controlnan aki. Gobierno ta conciente cu si tin mas presencia di Polis, cu automobilistanan ta bira tambe mas conciente cu nan por wordo para si acaso nan no ta cumpliendo cu leynan di trafico. Lamentablemente cu anjanan, pa varios factor, e presencia di Polis den accionnan preventivo pa evita accidente specialmente den oranan di anochi a baha. Gobierno no kier pa e tipo di controlnan asina tuma lugar solamente durante temporada di carnaval sino henter anja.

 

Di otro banda Prome Minister mr. Mike Eman ta haci un apelacion special riba e automobilistanan pa bay mas trankil den trafico. Cada caso di accidente fatal ta causa masha dolor specialmente serca famianan pero tambe den comunidad engeneral. Gobierno kier ta sigur cu por medio di su departamentonan, y den esaki Cuerpo Policial ta hunga un rol primordial, mester haci tur lo posibel pa preveni mas desgracia y mas dolor innecesario den pueblo.

- Advertisement -

DUNA COMENTARIO

Please enter your comment!
Please enter your name here