Rolex Di $4.000 Horta Na Kudawecha
ORANJESTAD (AAN): Faltado algun dia pa cambio di aña ainda ladron ta sigui horta, nan ta ni respeta Pasco, nan no ta preocupa cabez ni cerebro ya ta asina troci cu e unico cost a aparece ta e letternan H.O.R.T.A.
Entre otro na Kudawecha ladron a kibra drenta horta dos horologe un ta un holoshi Citizen balor di 300 Florin y tambe un Rolex su balor ta 4.000 Dollar.
Mietras tanto na un cas situa den bario di Noord, durante ausencia den oranan di anochi pa apenas tres ora, ladron a kibra schuif deur horta na su antoha. Segun e señora denunciante naci na hulanda inicialnan E.C. di 31 aña, cu ladron a drenta su cas y nan ahaci un ravage.
A somenta Nintendo, Tv di 30 inch modelo Panasonic, dos cellular uno ta Nokia y e otro ta un Ericcsson, dos iPod a cria pia un ta color di plata y e otro ta rose, un cartera di cuero di Colebra den cual tin diferente documento, tambe un cartera color blanco tambe ladron a pasa man pe, den esaki tin 1.200 Florin, mas 50 euro, fuera dos pas bank, hasta vuurwerk ladron (nan) a horta y otro articulonan.
Un lista lo worde traha pa entrega na Recherché. Personal technico tambe a worde envolvi y investigacion a inicia. No ta conoci cu ladron a usa pickup, stacion wagen of un “Busje” pa transporta e articulonan ariba menciona.
