Ta lamentable cu a hasi compromiso di miyones di Florin, sin cu Aruba por sali for di dje facilmente
Segun Prome Minister,
ORANJESTAD(AAN): Durante conferencia di prensa di Gobierno, a puntra Prome Minister Mike Eman con a para cu e contrato di e edificio di shelter, awor cu e shelter a cera. Segun Prome Minister, na e momentonan aki tin un corespondencia entre esnan cu ta doño di e propiedad y Minister di Infrastructura y DIP. Esaki pasobra den e contrato di e edificio lamentablemente no tabata tin un ‘opzeggingstermijn.
Huristanan a informa Gobierno cu asina mes cu no tin opzeggingstermijn, si bo mantene un opzeggingstermijn decente, lo bo ta bon para como e persona cu ta huur e edificio.
Esaki segun Eman, kende a sigui bisa cu ta lamentable cu pa un par di miyon a hasi compromiso cu e pais aki, sin cu tin e posibilidad pa Aruba sali facilmente for di e compromiso aki.
E Gobierno anterior no tabata tin bon intencion, pasobra e abogado Hendrik Croes a bisa cu esey tabata pa garantiza pa Gobierno por uza e lugar aki pa hopi aña.
Si esey tabata e intencion, e ora ey e contrato mester a bisa cu esun cu ta huur Gobierno e edificio ta esun cu no por para e acuerdo dentro di 5 aña.
E argumento duna pa e abogado tabata pa tapa un cos cu a sosode, cu probablemente lo forma parti tambe di e reflexion nacional riba con e placa e recursonan di e pais aki a wordo mal-gasta.
Esaki segun Eman kende a bisa tambe cu Gobierno a tuma e posicion di duna un opzeggingstermijn di 3 of 5 luna, pues sea pa 3 of pa 5 luna lo paga huur y despues di esey e huur pa Gobierno di Aruba a termina.
El a sigui bisa cu e edificio ta cay bao di Minister di Salubridad y hunto cu Minister di Infrastructura lo mira con lo por hasi uso di e edificio aki mientras cu ta paga huur pe.
h.ignacio
Bon dia redaccion di diario,si minister hendrik
croes kere ku no por opzeg e huurmento di e
shelter, wel buska un manera paso mi ta kere ku
minister mike eman ta gobernando no ta mep. si gobierno tin ku tira plaka afo ku e lugar anto mi ta kere laga e adictonan hasi nan trabou.
kima kaka.te un otro oportunidad.
Husticia awo!
“BERGUENZA” cu Aruba su unico 4x Minister President Nel Oduber, e lider corrupto di MEP cu ta biba den Nayostraat Ponton, tin cu bai KIA (Korectie Instituut Aruba) pa motibo di ladronisia, su mannan sushi, su terquedad, su mentiranan, su lenga di dobel filo su falsedad cuchiw di dos banda, violador di derechonan humano y hunto cu su gang di ladronnan di MEP a horta Pueblo di Aruba cu a confianan.
Atte. Carlos Severino Tromp