Ta Politica Oportunista Ta Duna Politica Un Mal Nomber
Segun René Herdé
ORANJESTAD(AAN): Durante conferencia di prensa di fraccion di AVP, Parlamentario René Herdé a reacciona riba cierto comentarionan di parti di fraccion di MEP.
Segun Herdé, e politica oportunista di awe bisa un cos y mayan bisa otro, den oposicion of den Gobierno, ta loke ta haci cu politica ta haya mal nomber.
E ta haci cu hende no ta kere den politica.
Fraccion di AVP a bisa den oposicion cu e ta bay kita BBO y den Gobierno awor AVP ta bisa cu e ta bay kite y a cuminza caba cu e proceso.
Den oposicion, fraccion di AVP a calcula e presupuesto alternativo exactamente con lo financie.
Mientrastanto e situacion a cambia.
“Nos no ta gana cu ecalculacion cu nos tabata tin den e presupuesto alternativo awe no ta valido mas”.
Esaki segun Herdé, kende a sigui bisa cu awe fraccion di AVP mester ta creativo y busca solucionnan nobo.
E solucion no lo ta un solucion den un aña manera AVP a anticipa prome den su presupuesto alternativo.
“E solucion lo ta over di mas aña, pero e escogencia di elimina BBO, nos ta mantene”, segun e parlamentario
