Home General Un Biaha Mas Aneudi Cabral Ta Destaca Na Hulanda

Un Biaha Mas Aneudi Cabral Ta Destaca Na Hulanda

0
1
SHARE
- Advertisement -

Coreografo pa cu e certamen Miss Queen of the World Netherlands 2009

aneudiORANJESTAD (AAN): Recientemente e hoben bailarin Aneudi Cabral a worde acerca pa Lumious Productions pa ta choreografo official di e certamen di Miss Queen of the World Netherlands 2009.

   Manera ya ta conoci caba e hoben dinamico aki a gradua na juni  for di Amsterdamse Hogeschool voor de Kunsten. Aneudi ta leraar Dans na Amsterdamse Hoge school voor de  Kunsten unda el a termina su estudio. Aki mes ora el a worde acerca pa forma parti di e team di docente. Tambe ta duna les di baile, aerobics y zumba na diferente dansschool y gym na Noord-Holland.

   Logronan di Aneudi na Hulanda: Aneudi Cabral ta un di e bailadonan principal di e production “L’eslisir d’amore” di e prestigioso De Nederlandse Opera.

E opera moderno y cómico aki  a worde dirigí door di Guy Joosten y ta bay over di Nemorino, un campesino pober cu a enamora completamente di Adina, un heredera multimilionario. E campesino ta haci tur cos pa conquista Adina, te hasta recuri na un pocion di amor.

aneudi_Finale_Miss_Queen010

Tin hopi canto, baile, décor y humor den e glitter revue aki cu lo ta back riba ensenario na juni y juli 2010 den Het Muziektheater Amsterdam.

   Tarea y preparashonan pa Miss Queen of the World Netherlands:  Aneudi tabata ta tin e tarea di monta no solamente un choreografia pa e openingshow sino tambe hinca full un show den otro. E show a consisti di un combinashon di Modern dance, Latin dance y Urban dance, tur cu un toque Caribense. Despues di simannan largo di training extensivo, tur e 16 candidatanan a pone un spectáculo tremendo riba e anochi final.

E organizador Lumious y Elite Models Management Amsterdam, cu tambe tabata presente na e evento, a keda sumamente impresiona cu e show. Proximo aña Aneudi lo ta choreografo di un certamen hopi popular na made patria Hulanda.

   Proyectonan actual: Actualmente Aneudi ta forma parti di un dinnershow cu yama Dance Fantasy cu ta mane e shownan grandi manera na Las Vegas y Paris. Den e dinnershow aki e publico por disfruta di  un espectaculo di canto, baile y actuacion magico.

   Pa 2010 Aneudi tin hopi planes pa asina sigui desaroya su mes den e mundo di baile na unda entre otro cu e lo sigui curso y workshops pa bira Elite Instructor riba tereno di aerobics, presenter y Zumba. Y tambe lo viaha pa Paris pa train su mes riba diferente estilo di baile.

   Tambe Aneudi lo ta na Aruba na cuminsamento di Januari 2010 en coneccion cu diferente proyectonan manera entre entro  participa como instructure na zumba-events y workshops di baile. Aruba lo tende hopi mas di e hoben dinamico aki cu sigur lo sigui hiba Aruba su nomber dilanti.

- Advertisement -

1 COMMENT

DUNA COMENTARIO

Please enter your comment!
Please enter your name here