Archivo di January, 2010

Mighty Hippy a worde admiti tog pa Roadmarch

Publication: Saturday, 30 January 2010. Categoria: General

BREAKING NEWS
ORANJESTAD (AAN): Simplemente bisa, SAC, huradonan, y e timekeepersnan a pifia formal! Resultado di esey ta cu SAC a admiti su eror, y awor a permiti pa Mighty Hippy participa tog den Final di Calypso y Roadmarch awenochi.
Den prefinal di Calypso & Roadmarch Contest 2010 e cuerpo di hurado a aplica reglamento y duna 100 strafpunten na Mighty Hippy. Argumento tabata cu segun e time-keeper e pre-show a pasa 1 minut.
Despues di prefinal NBO a entrega su protesta na SAC contra e decision aki, cual protesta SAC a studia y analisa detayadamente. E tecnico di zonido, sr. Jason Inesia, y representante di SAC encarga cu e parti musical di e festival, sr. ing. Ralph Croes, a realisa e investigacion.

Coriente a dal tecnico den Joe Laveist Sportpark

Publication: Saturday, 30 January 2010. Categoria: General

ORANJESTAD (AAN): E trabaonan di preparacion pa cu e Calypso & Roadmarch Contest na Joe Laveist Sportpark a pasa den momentonan caotico Diasabra atardi, ora cu coriente a dal un tecnico trahando eyden.
Awacero tabata cay henter dia, y posiblemente esaki lo por ta un factor contribuidor pa e accidente aki, cu a keda registra banda di 3:15 p.m.
Mesora tanto Polis como Ambulans a worde manda eyden, y mesora a dune asistencia.  Contrario na prome boletinnan, a resulta cu e persona no a keda seriamente herida.  Tog el a causa basta spanto e momento eyden e lugar.

Dialuna atardi e parha blou di KLM lo pisa suelo bek di Aruba

Publication: Saturday, 30 January 2010. Categoria: General

klmnewGobierno a logra:
Aruba ta yama KLM un caluroso bon bini

ORANJESTAD- Na 2008 durante e gobernacion anterior KLM a dicidi di para tur su vuelonan pa Aruba for di 29 di maart 2009. Asina cu e gobierno nobo a sinta a cuminsa deliberacionnan cu KLM pa trata na convence e compania prestigioso aki pa tin Aruba bek como su destinacion.
Gobierno a logra y dialuna awor KLM lo ta bek na Aruba. Esaki danki na e esfuersonan grandi y e forma decente di actua di gobierno di Aruba. Un logro inmenso den menos di tres luna di gobernacion.

Pa alivia trafico temporalmente por haci uso di rifstraat pa sali den Klipstraat

Publication: Saturday, 30 January 2010. Categoria: General

kramersE cambio aki ta keda te cu April ora cu e trabaonan ta cla:
Autonan mal para lo worde kita cu takelwagen di polis, boet lo bin acerca!
ORANJESTAD (AAN): Mientras cu e trabaonan ta andando den centro di ciudad pa cu embeyecimento, tin tambe desviacion den trafico cu tur chofer mester tene cune.
E caya pariba di Ministerio Publico cu ta Rifstraat antes trafico tabata bay zuid. Entrante diabierna cu a pasa tur trafico por drenta Rifstraat bay nort y yega den Klipstraat bay na man drechi direccion Driftwood Restaurant. Loke ta un problema eybanda ta e trafico.

Caso laptop di Claudius Phillips den Corte

Publication: Saturday, 30 January 2010. Categoria: General

Acusado a bisa di a keda den shock di locual el a mire den e aparato
ORANJESTAD(AAN): Diabierna na corte di husticia a tuma lugar e caso famoso di hortamento na cas di Claudius Phillips. Ta asina cu Javier A.A naci na Corsow, Delanho J.J naci na St. Maarten y Jean J.J.F naci na Boneiro, a wordo acusa di a kibra drenta den cas di e cantante riba 10 di October 2009 y eynan nan a horta entre otro dos laptop, un television flat screen, un holoshi hopi caro, algun hoya, un I-Pod y placa. Huez a repasa rapport di e caso y a bisa cu Claudius Phillips a entrega un keho cerca polis den cual e ta bisa cu malhechornan a forza un bentana di su cas y a bay cu e articulonan, despues cu el a Sali for di cas alrededor di 12 di anochi.

Prome Minister di Aruba Mike Eman a firma contract cu Sparta Rotterdam

Publication: Saturday, 30 January 2010. Categoria: General

sparta1E contract ta encera un pakete extenso
ORANJESTAD- –Ayera Prome Minister di Aruba Mike Eman a firma un contract cu e club di futbol Sparta Rotterdam. Cu esaki Aruba ta bira un partner social di Sparta Rotterdam.
Lo tin cooperacion riba diferente tereno. E nomber di Aruba lo bin riba e shirtnan di e hungadornan di Sparta cu ta naturalmente un promocion enorme pa Aruba. Esaki ta entrante juni 2010. Tambe Sparta lo yuda hobennan talentoso di Aruba den un carera riba tereno di futbol.
E hobennan aki lo bai Hulanda pa sigui desaroya nan mes riba tereno di deporte, pero tambe lo tene cuenta cu nan estudio.

Analisis politico…… KLM na Aruba atrobe

Publication: Saturday, 30 January 2010. Categoria: Politica

Pa un isla chikito manera Aruba e baymento di KLM tabata un sla duro. Poco tempo pasa KLM tabata bin y bay casi tur dia cu un avion grandi for di Europa cu un cantidad grandi di pasahero y un cantidad grandi di carga. KLM ta un di e companianan di aviacion grandi di mundo y uno hopi respeta tur caminda. E gobierno di MEP a logra di core cu e compania aki cu tabata bula ariba Aruba pa decadanan cu hopi exito. Miles di nos hendenan durante e decadanan aki a biaha cu KLM pa motibo di negoshi, estudio y otro actividadnan.

Arugas ta na benta dor di su doño AIB Bank

Publication: Saturday, 30 January 2010. Categoria: General

arugas1Gobierno tin hopi interes
ORANJESTAD(AAN): E demanda cu tin a haci cu awe Arugas un biaha mas ta na benta.Arugas su historia ta largo.E gobierno anterior a nenga un deal y e prome minister Nel Oduber e tempo ey a hera bira loco ora cu Utilities NV a propone pa cumpra Arugas. Despues di e gritonan di locura di Nel Oduber, AIB si no ta pensa manera un loco y a dicidi di inverti nan placa den Arugas. Despues di algo mas cu dos aña y mey di e compra, awe tin masha hopi interesado cu a yega pa cumpra Arugas atrobe y haci ofertanan na AIB Bank.

Yiu di ex Minister haya cu arma ta liber caba

Publication: Saturday, 30 January 2010. Categoria: Judicial

Asina huez comisario ta bringa crimen….
ORANJESTAD(AAN):– Un decepcion grandi ta loke polisnan y ministerio publico a keda cune mirando loke a sosode e siman cu a pasa. Lo ta bon pa huez comisario mes bin argumenta e motibonan cu a laga e yiu homber di ex minister Lee liber. Na Aruba cualkier huez comisario sa mucho bon riba e campañanan cu ta ser hiba e momentonan aki pa cu posesion di arma illegal.
Te hasta a duna oportunidad pa entrega arma.

Ganador di Minimega a meld su mes telefonicamente

Publication: Saturday, 30 January 2010. Categoria: General

Ta trata di un persona local…
ORANJESTAD(AAN):– Informacion cu nos a haya ta mustra cu e ganador di lotto a yama meld su mes na oficina di lotto na Dakota. Despues cu tabata tin un cantidad di comentario rond di e premio di Mini Mega, awor si e ganador tey. Contrario na un grupo di hendenan cabez bashi cu a cuminsa saca informacion falso rond di e ganador y su nacionalidad, awe nos mester decepciona nan pasobra e ganador ta un persona di Aruba mes. Esey e mes a confirma ora cu el a yama.
El a enfatiza bisando cu ami ta di Aruba.

Obituario Diasabra 30 Januari 2010

Publication: Saturday, 30 January 2010. Categoria: Obituario

m1

Cumpleaños Diasabra 30 Januari 2010

Publication: Saturday, 30 January 2010. Categoria: Cumpleaños

:D :D :D :D :D :D :D :D

 

01__urmain_dinzey__Awe nos ta canta happy birthday pa e prins grandi di cas esta Urmain Dinzey. E ta haya un macuto jen di sunchi y brasa diparti su mami Andrea su dada Coby su ruman cu stime un mundo Ciandre. Su opa Papi Beton, opa Pops y Oma. Tambe di su tanchi Hilda y momo Jefraim y tambe diparti su omo nan Stephen y tanchi lin, Javier y Elvis. Sin laga afo su dina Sha y padrino Abiel nana Maureen, Tharlee y Tharlon.  Y di full the boys & the girls nan. Y resto famia Kelly y Dinzey…

 

Personanan cu a haya carta di retiro tabata trahadornan directo den su despacho

Publication: Saturday, 30 January 2010. Categoria: Politica

avparthurdowers-3Minister di Husticia ta considera esaki como incumplimento di contract:
Nunca nan a presenta nan a di trabao!
ORANJESTAD (AAN): Gobierno a manda varios carta di retiro pa un grupo di persona cu te awe no a presenta na trabao desde cu e gobierno nobo a presenta. Varios di e hendenan aki tabata resorta bao di ex minister Rudy Croes. Awor e minister nobo di husticia ningun dia so a mira nan na trabao. Den entrevista e mandatario Arthur Dowers a splica cu ta straño con a duna un grupo di hende asina contrato como consehero.

Grupo di Colombiano a paga Pa proceso di screening y test psicologico

Publication: Saturday, 30 January 2010. Categoria: General

Lamentablemente, recesion economico a para renovacion Playa Linda
Segun director di Human Group sra. Duque!
ORANJESTAD (AAN) — Manera ta conoci, varios luna atras, un delegacion di Aruba a bay Colombia en busca di trahador den construccion, relaciona cu expansion di un time sharing.
Como cu e proyecto no a bay door y aparentemente, e trahadornan cu a cumpli cu tur rekisito pa bin na remarca, despues di a paga un suma (mas of menos 230 dollar) no a worde poni na haltura cu e proyecto no ta sigui, DIARIO a ricibi yamada, den forma di denuncia, di un di e candidatonan (ken ta actua manera vocero) cu tabata un grupo di seis persona.

Arnold Brouwer Ganador Absoluto di Betico Memorial 10-K Run 2010 di IDEFRE

Publication: Saturday, 30 January 2010. Categoria: Deporte

atleta1ORANJESTAD (AAN)— Den tempo di 37:48 minuut Arnold Brouwer a logra bay cu titulo ganador absoluto di e Betico Memorial Run 2010. E prome dama cu a pasa e finish line ta Jennelaine Vrolijk. Centro Deportico Betico Croes ta caminda cu e careda a cuminsa y a caba. Un totaal di 700 persona a participa na e evento aki. E aña aki e careda di 10 kilometer y e Fun Run/Walk di 6 kilometer a cuminsa simultaneamente na mes sitio. Pa 5:30 di atardi director di IDEFRE sr. Jessy Beukenboom a los e tiro di salida di e careda anual aki.