Arnold Brouwer Ganador Absoluto di Betico Memorial 10-K Run 2010 di IDEFRE
ORANJESTAD (AAN)— Den tempo di 37:48 minuut Arnold Brouwer a logra bay cu titulo ganador absoluto di e Betico Memorial Run 2010. E prome dama cu a pasa e finish line ta Jennelaine Vrolijk. Centro Deportico Betico Croes ta caminda cu e careda a cuminsa y a caba. Un totaal di 700 persona a participa na e evento aki. E aña aki e careda di 10 kilometer y e Fun Run/Walk di 6 kilometer a cuminsa simultaneamente na mes sitio. Pa 5:30 di atardi director di IDEFRE sr. Jessy Beukenboom a los e tiro di salida di e careda anual aki. Atletanan cu a participa na e careda di 10 kilometer a para net partas di e liña, mientras cu esnan cu a participa na e Fun Walk/Run a para patras di e atletanan di 10 kilometer. Un bunita bista pa mira asina tanto hende riba pia pa participa na un actividad sano.
Na final di e careda a premia atletanan di e 10 kilometer den diferente categoria di edad y tambe e e ganadornan absoluto masculino y femenino.
Overall Male Finish List 10-K Run
Arnold Brouwer (37:48)
Alexander Robert (38:23)
Eugene Solognier (38:24)
Gino Hodge (39:49)
Arion Maduro (41:17)
Dyonne Lopez (41:55)
Jose A. Maduro (42:16)
Ericson Lake (43:32)
Rene Franken (43:34)
Lloyd Wever (43:42)
Overall Female Finish List 10-K Run
Jennelaine Vrolijk (46:04)
Shantal Stephens (48:55)
Sanderijn Dirven (49:12)
Christa de Bruin (50:03)
Regina Samuels (55:54)
Jacky Luidens (56:19)
J. Bergrijk (56:25)
Anya Michelle Wever (56:52)
Chantal Ecury (56:52)
Lady Bautista (58:23)
Inconvenencia
Ya pa algun aña caba e careda aki ta tuma lugar riba mes ruta sin cu esaki a trece problema. Ta di lamenta cu banda di e actividad deportivo sano, tabata tin simultaneamente un actividad festivo na mes lugar cu a stroba e desaroyo di e actividad deportivo. Ta trata di actividad di diferente indule.
IDEFRE no a wordo informa debidamente kiko exactamente lo a tuma lugar y e contenido di actividad aki na e mesun lugar na unda e careda ta cuminsa y termina. Sigur IDEFRE lo no a aproba cu justamente banda di e finish lo tabata tin bendemento di alcohol, cual no ta cuadra cu organisacion di evento deportivo sano. Si IDEFRE a wordo poni na haltura anticipadamente di e actividad musical, cultural aki en coneccion cu Dia di Betico Croes, sigur lo a papia cu e organisadornan pa e dos eventonan aki no bai stroba otro y asina lo por a tene e publico y participantenan di ambos evento contento sin cu un lo a strobe e otro.
IDEFRE ta pidi disculpa na tur participante pa e incovenencianan cu e otro actividad por a causa.. IDEFRE ta spera cu den futuro e Fundacion lo informa nos organisacion debidamente di tur actividad cu ta bai tuma lugar den e area pa evita cualkier inconveniencia specialmente na e participantenan pero tambe na e organisadornan di e careda importante aki cu a bira un evento masal.
