Arugas ta na benta dor di su doño AIB Bank
Gobierno tin hopi interes
ORANJESTAD(AAN): E demanda cu tin a haci cu awe Arugas un biaha mas ta na benta.Arugas su historia ta largo.E gobierno anterior a nenga un deal y e prome minister Nel Oduber e tempo ey a hera bira loco ora cu Utilities NV a propone pa cumpra Arugas. Despues di e gritonan di locura di Nel Oduber, AIB si no ta pensa manera un loco y a dicidi di inverti nan placa den Arugas. Despues di algo mas cu dos aña y mey di e compra, awe tin masha hopi interesado cu a yega pa cumpra Arugas atrobe y haci ofertanan na AIB Bank.
DIARIO tin informacion cu ya caba AIB parce a acerca gobierno pa mira si nan tin interes den Arugas. E proposicion di AIB na gobierno tabata uno mas bien informal. For di bon fuente DIARIO tin informacion tambe cu den un lapso di dos aña ya caba AIB a saca su placa cu el a inverti te cu nan ta trahando ganashi e momentonan aki.
Esey ta haci Arugas mas atractivo pa inversionistanan cu tino.Si e gobierno aki drumi, sigur e otro inversionistanan lo no laga e chens aki pasa bai voorbij.
