Home General Auto a bula greppel y bolter na Hato

Auto a bula greppel y bolter na Hato

1
0
SHARE
- Advertisement -

hato_0ORANJESTAD (AAN): Diasabra merdia algo despues di 12:30’or, autoridad a haya sa cu riba caminda di Pos Abao pa Tanki Flip, un tiki pabao di Kazerne di Cuerpo di Bombero tin un accidente cu herido.
   Esey a pone cu inmediatamente un unidad di Polis a mobiliza pa e area.  Aki a bin descubri cu un Chevrolet Vivant color silver cu number V-1155 a baha di caminda, pasa over di e greppel, bolter, y finaliza bek riba su cuatro wielnan banda panort di e caretera.   Trafico no a keda obstaculiza, pero tog cada chofer cu pasa eybanda tabata slow-down y mira con destrui e vehiculo a keda.
   Esnan herida a solicita pa Ambulans, y como cu net e momento ey tabatin e unidadnan ocupa cu e caso di hogamento na Mangel Halto, a dura un poco.
   Na final, porfin Ambulans a yega y a check e heridonan.  Un ambulans di Cruz Corra a yega posteriormente pa asina duna un man.
   Polis a tuma declaracion di e chofer encuanto e causa di e accidente aki.  E turistanan a indica cu nan tabata bayendo pabao, y a desvia pa un bestia cu a cruza caya.  Asina e chofer a perde control riba su stuur, bolter, y cay bek riba cuatro wielnan.  A nota si cu e vehiculo a haya hopi daño material parti dilanti, y el a keda pega bao di un palo di mata di Kwihi.  Un di e turistanan, kende a haya golpi fuerte, y rasca na su cabez y frenta, a worde poni cuidadosamente riba brancad, y transporta cu Ambulans pa Servicio di Emergencia na Hospital.

hato_1hato_2hato_3

- Advertisement -

DUNA COMENTARIO

Please enter your comment!
Please enter your name here