Home General Piscador di 57 aña a hoga na Mangel Halto

Piscador di 57 aña a hoga na Mangel Halto

0
1
SHARE
- Advertisement -

f2ORANJESTAD (AAN): Diasabra mainta pa 11:15 a.m., e informe a drenta na autoridad cu un persona posiblemente a hoga na beach di Mangel Halto.  Esey inmediatamente a pone cu alarma a worde bati.

   Central di Polis a dirigi unidad di Polisnan di San Nicolas pa e area, mientras cu Centro di Alarma a notifica personal di Rescate, como tambe Ambulans di e situacion. 

Carlito M. Henricus

Diferente persona cu ta envolvi cu Search & Rescue tambe a worde mobiliza.  Polis a saca nan Helicopter pa duna asistencia for di halto.
   Famianan a informa Polis, cu e mainta aki dos Piscador a bay tira Tarai den e area.  Sinembargo ora cu nan tabata canando den e laman bruto, diripiente uno a bay abao, y tabata lucha pa bin bek na halto.  Su compañero a trata na gare, pero e coriente fuerte di laman a keda hale mas leu.  Dado momento e Piscador no por a wanta mas ariba, y a bay abao, y worde lastra pa laman fuerte.  Asina e compañero a perde e otro for di bista.  El a check rond, y no por a mire mas.  Asina el a opta pa core sali y bati alarma.  Na mesun momento, mas miembro di famia a yega na e lugar.  Algun a sali cu nan mesun boto pa busca e area.

Di e forma ey, autoridad a worde poni na altura, y un buskeda a start den e laman bruto pa e homber Carlito M. Henricus, mihor conoci como “Mechi”, naci na Aruba dia 30 di April 1952, pues tin 57 aña di edad, kende ta traha na DOW, y ta biba na Spaans Lagoenweg 89.

   Nan a busca bastante, y como 70 minuut despues, a bin localiza e curpa sin bida di Mechi.  Debi na coriente fuerte, su curpa a worde haya te banda di Rif pabao yegando cerca di Aruba Nautical Club.  Aki un boto di Polis a hise, y el a worde treci bek na tera pero na Waf di Barcadera.  Aki Polis como tambe auto di Agencia Funeraria tabata spera riba dje.  Famianan tabata inconsolable.

   Na lugar di e incidente, por a mira e.o. dos unidad di Ambulans como tambe Vehiculo di Bombero, y Polis.  Palabra di condolencia na famia. 

hoga10hoga3hoga8hoga7hoga4

- Advertisement -

1 COMMENT

DUNA COMENTARIO

Please enter your comment!
Please enter your name here